លោកអ៊ូចាន់ធឿនអនុប្រធានមន្ទីរកិច្ចការនារីខេត្តកំពង់ចាមបានលើកឡើងថាប្រសិនបើមានស្ត្រីដែលរងអំពើហិង្សាក្នុងគ្រួសារចង់ដាក់ពាក្យបណ្ដឹងលែងលះអាចទំនាក់ទំនងមកកាន់មន្ទីរកិច្ចការនារីខេត្តបានដើម្បីទទួលបានមេធាវីការពាក្ដីឥតគិតថ្លៃក្នុងការជួយផ្នែកច្បាប់ដល់ស្ត្រីរងគ្រោះដោយហិង្សាក្នុងគ្រួសារ។
លោកអ៊ូចាន់ធឿនបន្តថានៅក្នុងឆ្នាំ២០១៨និងដើមឆ្នាំ២០១៩មិនទាន់មានស្ត្រីមកស្នើរសុំឲ្យមន្ទីរកិច្ចការនារីជួយក្នុងដំណើរការលែងលះនោះទេ។លោកថាក្នុងករណីដែលមានការស្នើរសុំមន្ទីរកិច្ចការនារីនឹងជួយប្រឹក្សាយោបល់ផ្នែកច្បាប់ និងទំនាក់ទំនងទៅកាន់មេធាវីជួយស្ត្រីក្រីក្រ ក្នុងការដំណើរការនៃការលែងលះដើម្បីឲ្យរងគ្រោះដោយអំពើហិង្សាក្នុងគ្រួសារទទួលបានយុតិធម៌ ។
លោកថាមន្ទីរកិច្ចការនារីនឹងបន្តក្នុងការផ្សព្វផ្សាយដើម្បីឲ្យស្ត្រីមានការយល់ដឹងនិងឈប់រស់នៅក្នុងភាពឈឺចាប់ដោយរងគ្រោះដោយអំពើហិង្សាក្នុងគ្រួសារនិងហ៊ានរាយការណ៍មកកាន់អាជ្ញាធរដើម្បីឲ្យអាជ្ញាធរជួយដោះស្រាយ ។
កញ្ញា មួន ធារី
