(កំពង់ចាម)៖ ស្នងការដ្ឋាននគរបាលខេត្តកំពង់ចាម នៅថ្ងៃទី ១៥ ខែឧសភាឆ្នាំ ២០២១នេះ បានរៀបចំពង្រាយកម្លាំងសមត្ថកិច្ចនគរបាលចរាចរណ៍ផ្លូវគោក ក្នុងភូមិសាស្ត្រទូទាំងខេត្តកំពង់ចាម
ដើម្បីរឹតបន្តឹងច្បាប់ ស្តីពីចរាចរណ៍ផ្លូវគោក មានចំនួន ៧ ស្រុក-ក្រុង ស្មើនឹង ៨ គោលដៅ ដោយប្រើប្រាស់កម្លាំងរួមសរុប ១០២នាក់ ស្រី ០៧នាក់។
តាមរបាយការណ៍ ដែលមន្ទីរព័ត៌មានខេត្តកំពង់ចាម ទទួលបាន គោលដៅសមត្ថកិច្ចដែលបានដាក់ពង្រាយតាមគោលដៅមានដូចជា ៖
*១ .ក្រុងកំពង់ចាម * ២គោលដៅ +នៅផ្លូវបំបែកចុងថ្នល់ ភូមិម៉េម៉ាយ សង្កាត់បឹងកុក មានកម្លាំងរួម ១៣នាក់ស្រី ០២នាក់ និងនៅផ្លូវបំបែកស្តុបលំហែ ភូមិបឹងស្នាយ សង្កាត់សំបួរមាស មានកម្លាំងរួម ១២នាក់ ស្រី ១នាក់។
២.ស្រុកកំពង់សៀម ១គោលដៅ ៖ នៅភូមិត្រកួន ឃុំក្រឡា មានកម្លាំងរួម ១៤នាក់ ស្រី ០១នាក់ ។
៣.ស្រុកព្រៃឈរ ១គោលដៅ ៖ នៅភូមិព្រៃទទឹង ឃុំជ្រៃវៀន មានកម្លាំងរួម ១៥នាក់ស្រី ០១នាក់ ។
៤.ស្រុកជើងព្រៃ ១គោលដៅ ៖ នៅភូមិសង្កែ ឃុំស្ដើងជ័យ មានកម្លាំងរួម ១២នាក់ ។
៥.ស្រុកបាធាយ ១គោលដៅ ៖ នៅភូមិបាធាយ ឃុំបាធាយ មានកម្លាំងរួម ១៦នាក់ស្រី ០១នាក់ ។
៦.ស្រុកចំការលើ ១គោលដៅ ៖ នៅភូមិដូនធី ឃុំបុសខ្នុរ មានកម្លាំងរួម ១២នាក់ស្រី ០១នាក់ ។
៧.ស្រុកកោះសូទិន ១គោលដៅ ៖ នៅភូមិពង្រលិច ឃុំពង្រ មានកម្លាំងរួម ៨នាក់។
ជាមួយគ្នានេះដែរ កម្លាំងសមត្ថកិច្ច បានបន្តរៀបចំការពារ និងទប់ស្កាត់ ការឆ្លងរាលដាលជំងឺកូវីដ-១៩ និងបានបន្តការផ្សព្វផ្សាយ រំលឹកដាស់តឿនដល់ប្រជាពលរដ្ឋឱ្យបានយល់ដឹងបន្ថែមទៀត អំពីវិធីកាត់បន្ថយនៃការឆ្លងជំងឺកូវីដ-១៩ តាមការណែនាំ របស់ ក្រសួង សុខាភិបាល ផងដែរ ៕
