នួន សត្យា
លោក ខ្លូត ចិន្តា អភិបាលនៃគណ:អភិបាល ស្រុកចំការលើបានឲ្យដឹងថា លោក និងលោកអធិការ មេបញ្ជាការសឹករងស្រុក មេបញ្ជាការកងរាជអាវុធហត្ថ មេឃុំជំទប់ ក្រុមប្រឹក្សាឃុំ មេភូមិ ពាក់ព័ន្ធ បានចុះសួរសុខទុក្ខ និងផ្តល់នូវអំណោយមនុស្សធម៌មកជូនបងប្អូន ប្រជាការពារភូមិ ដែលមានជីវភាពជួបការលំបាកចំនួន ១០គ្រួសារ និងបន្តជួបបងប្អូន មន្ត្រីប៉ុស្តិ៍ និងប្រជាការពារភូមិទាំង១១ភូមិ ក្នុងឃុំតាប្រុក ។
លោកអភិបាលស្រុកឲ្យដឹងទៀតថា អំណោយដែលផ្ដល់ជូនប្រជាការពារភូមិចំនួន ១០គ្រួសារ ក្នុង០១គ្រួសារ ទទួលបាន អង្ករ មី ត្រីខ ទឹកត្រី អស់ថវិកាចំនួន៤៥០,០០០រៀល។ ទន្ទឹមនឹងនោះដែរ ក្រុមការងារបានបន្តជួបមន្ត្រីប៉ុស្តិ៍រដ្ឋបាល ប្រជាការពារទាំង ១១ភូមិ ចំនួន ២៧នាក់ ម្នាក់ៗ ទទួលបានថវិកាចំនួន ១០,០០០រៀល និងក្រមា ម្នាក់០១ អស់ថវិកាចំនួន៣៧៨,០០០រៀល ។
បន្ទាប់មកទៀតក្រុមការងារ បានបន្តចុះសួរសុខទុក្ខ លោក ទេព ភួង សមាជិកក្រុមប្រឹក្សាឃុំការអណ្តូង ដែលមានជំងឺកំពុងសម្រាកព្យាបាលនៅគេហដ្ឋាន ក្នុងនោះ បានផ្តល់ជូននូវថវិកាដល់គាត់ចំនួន១០០,០០០រៀល និងទឹកផ្លែឈើ០១កេស សម្រាបជួយសម្រាកក្នុងការព្យាបាលផងដែរ។
លោកអភិបាលស្រុក បានបញ្ជាក់ថា អំណោយខាងលើនោះ សរុបថវិកាអស់ចំនួន ៩២៨,០០០រៀល ជាថវិការបស់ឯកឧត្តម ហ៊ុន ម៉ានិត ប្រធានក្រុមការងារថ្នាក់ជាតិចុះជួយស្រុក និងលោកជំទាវចំនួន៦០០,០០០រៀល និងថវិការបស់ លោក និងភរិយាចំនួន៣២៨,០០០រៀល ។
