ភូមិ៣ក្នុងឃុំបុសខ្នុរកំពុងប្រឈមគ្នានទឹកស្អាតប្រើប្រាស់ បើទោះបីជាសព្វថ្ញៃមានប្រជាពលរដ្ឋមានទឹកអណ្តូងស្នប់ ទឹកអណ្តូងលូ ប្រើក៏ដោយ ក៏នៅតែប្រឈមខ្វះខាតទឹកប្រើនៅរដូវប្រាំងដ៏ដែរ នេះបើតាមការអោយដឹងពី លោក គឹម ឃួន ជំទប់ទី២ ឃុំបុសខ្នុរ មានប្រសាសន៏ ក្នុងកម្មវិធីវិទ្យុជាតិ នៅថ្ញៃទី១៦ ខែ កក្កដា ឆ្នាំ២០១៩នេះ។
លោក គឹម ឃួន ជំទប់ទី២ ថ្លែងថាក្នុងឃុំបុសខ្នុរមាន១៣ភូមិ នៅពេលបច្ចុប្បន្នមាន៣ភូមិ ដែលកំពុងប្រឈមខ្វះខាតទឹកប្រើប្រាស់នៅរដូវប្រាំងគឺភូមិចំណោម,ភូមិវាលធ្លុង,នឹងភូមិដូនធី ទោះបីជាយ៉ាងណាដើម្បីដោះស្រាយបញ្ហាខ្វះទឹកប្រើនេះ អាជ្ញាធរក៏ធ្លាប់ធ្វើសំណើរស្នើរសុំទៅបណ្តាញអង្គការទឹកស្អាតផ្សេងៗ ក៏ប៉ុន្តែ មិនមានក្រុមហ៊ុន ឬអង្គការ ណាមួយហ៊ានមកវិនិយោគ៣ភូមិនេះទេ។លោកបន្តថា ដើម្បីឲ្យប្រជាពលរដ្ឋមានទឹកប្រើបណ្តោះអាសន្ន ក្រុមប្រឹក្សាឃុំបានធ្វើគម្រោងស្នើរសុំទៅគ្រប់ស្ថាប័ត ដោយនៅពេលនោះមានឯកឧត្តម ហ៊ុន ម៉ានី ក្រុមការងារចុះជួយស្រុកចំការ មន្ទីរអភិវឌ្ឍន៏ជនបទ សាសនាយីស៊ូ សប្បុរសជនខ្លះ បានជួយជាអណ្តូងស្នប់និងអណ្តូងលូខ្លះ។
លោកអោយដឹងទៀតថា ប្រជាពលរដ្ឋរស់នៅទាំង៣ភូមិនោះ ឲ្យតែចូលរដូវប្រាំងទឹកអណ្តូងមួយចំនួនត្រូវបានរាងស្ងួត ដូច្នេះ ត្រូវបង្ខំចិត្តទិញទឹកគេប្រើ គ្រួសារខ្លះទៀតចែកទឹកគ្នាប្រើក៏មាន ចុងបញ្ចប់ក្នុងកម្មវិធីសន្ទនាមតិ លោក គឹម ឃួន ជំទប់ទី២ សូមអំពាវនាវទៅកាន់បណ្តា ក្រុមហ៊ុនទឹកស្អាត ឬអង្គការដែលធ្វើការងារផ្នែកទឹកស្អាត ជួយមកវិនិយោគទឹកស្អាតក្នុងភូមិ ទាំង៣នេះផង គឺភូមិចំណោម,ភូមិវាលធ្លុង,នឹងភូមិដូនធី ឬលេខទំរស័ព្ទ ០១២ ៥៧ ៤៥ ៨៧។
លោក ភ័ណ្ឌ ប៉ាង
