​ឯកឧត្តម អ៊ុន ចាន់​ដា អញ្ជើញ​ជួប​សំណេះសំណាល និង ផ្តល់​ស្រូវពូជ​ជូន​ប្រជាកសិករ​នៅ​ស្រុក​ជើងព្រៃ​

ដើម្បី​ស្តារឡើងវិញ​នូវ​ការខូចខាត​ផលដំណាំ​ដែល​រងគ្រោះ​ដោយ​ទឹកជំនន់ ឯកឧត្តម អ៊ុន ចាន់​ដា អភិបាល​នៃ​គណៈ​អភិបាលខេត្ត​កំពង់ចាម​បាន​ដឹកនាំ​ក្រុមការងារ និង​មន្ត្រី​ជំនាញ​រួមជាមួយ​អាជ្ញាធរ សមត្ថកិច្ច​ស្រុក បាន​អញ្ជើញ​ជួប​សំណេះសំណាល​ជាមួយ​ប្រជាពលរដ្ឋ​នៅ​វត្ត​សិរី​មង្គល ហៅ​វត្ត​សូ​ទិព្វ ស្ថិតក្នុង​ឃុំ​សូ​ទិព្វ​ស្រុក​ជើងព្រៃ នា​រសៀល ថ្ងៃទី ១១ តុលា​។​

​បើតាម​របាយការណ៍រ​ប​ស់លោក អូត ឈាង​លី អភិបាលស្រុក​ជើងព្រៃ​បានអោយដឹងថា ឃុំ​ព្រៃ​ចារ និង​ឃុំ​សូ​ទិព្វ បាន​រង​ការខូចខាត​ផលដំណាំ​ស្រូវ​ដោយសារ​ទឹកជំនន់​ចំនួន ៤២ ហិកតា ដែលជា​កម្ម​សិទ្ធ​របស់​ប្រជាពលរដ្ឋ​១០១​គ្រួសារ​។ លោក​អភិបាលស្រុក​បានអោយដឹង​ទៀតថា ចំពោះ​លទ្ធភាព​ដែល​អាច​ស្តារឡើងវិញ​មានតែ​ស្រូវស្រាល​ចំនួន ៤២​ហិកតា ប៉ុណ្ណោះ ។​


​មាន​ប្រសា​ស​ន៏​សំណេះសំណាល​ទៅកាន់​ប្រជាពលរដ្ឋ ឯកឧត្តម អ៊ុន ចាន់​ដា មាន​ប្រសា​ស​ន៏​ថា ក្រោយពី​ទឹកជំនន់​បានចាប់ផ្តើម​ស្រក​ចុះ​រាជ រដ្ឋាភិបាល បានអោយ​អាជ្ញាធរ​គ្រប់លំដាប់​ថ្នាក់​ខិតខំ​ជួយ​ប្រជាពលរដ្ឋ​ដើម្បី​បានធ្វើ​ការដាំដុះ​អោយបាន​ទាន់ពេលវេលា​និង​ទាន់​រដូវ​កាល​។

ឯកឧត្តម​មាន​ម​ប្រសាសន៍​បន្តទៀតថា ដូចនេះ​សូម​បងប្អូន​ប្រជាពលរដ្ឋ​ទាំងអស់​ក្រោយពី​ទទួលបាន​ស្រូវពូជ​ត្រូវខិតខំ​ប្រឹងប្រែង​ធ្វើ​ការដាំដុះ​ឡើងវិញ​អោយទាន់​ពេលវេលា ក្នុងនោះ ត្រូវ​ចូលរួម​សហការ​ជាមួយ​អាជ្ញាធរ សមត្ថកិច្ច​គ្រប់លំដាប់​ថ្នាក់​ដើម្បី​សុវត្ថិភាព​ភូមិ​ឃុំ​របស់​បងប្អូន​។ ម្យ៉ាងទៀត​ត្រូវ​ថែរក្សា​សុខភាព​រស់នៅ​អោយបាន​ល្អ​ដោយ​ប្រកាន់ខ្ជាប់​នូវមាន​អនាម័យ​ជាប្រចាំ​ប្រសិនបើ​មាន​បញ្ហា​សុខភាព​កើតឡើង​ត្រូវ​ទៅរក​ការព្យាបាល​នៅ​មណ្ឌល​សុខភាព​ដែល​នៅ​ជិត​លំនៅដ្ឋាន​របស់​បងប្អូន​។ ឯកឧត្តម​អភិបាលខេត្ត​ក៏បាន​អំពាវនាវ​ដល់​បងប្អូន​ប្រជាពលរដ្ឋ​ត្រូវ​ចូលរួម​ទិវា​ពិសារ​អំបុក ៩​វិច្ឆិកា​ដើម្បី​ការពារជាតិ សាសនា ព្រម​ហា​ក្សត្រ​។​

​បន្ទាប់មក ឯកឧត្តម អភិបាលខេត្ត និង​ក្រុមការងារ​ក៏បានផ្តល់​ជូន​ស្រូវពូជ​សែន​ក្រអូប​ដែលជា​ពូជស្រូវ​ស្រាល​ដល់​ប្រជាពលរដ្ឋ ១០១ គ្រួសារ ដោយ​ផ្ទៃដី​១​ហិកតា​ទទួលបាន​ស្រូវពូជ​១០០​គីឡូក្រាម ។​
​ដោយ ជួន រតនា​វង្ស