បន្ទាប់ពីដំណើការអនុវត្តសកម្មភាពការងាររបស់គណៈកម្មាធិការពិគ្រោះយោបល់កិច្ចការស្ត្រីនិងកុមារខេត្តរយៈមួយខែកន្លងមកបានបើលកិច្ចប្រជុំដើម្បីពិនិត្យពីលទ្ធផលនិងបញ្ហាប្រឈមមួយចំនួនដើម្បីរកដំណោះស្រាយដែលដឹកនាំកិច្ចប្រជុំដោយលោកជំទាវ ជាឡេងទាងអនុប្រធាន គណៈកម្មាធិការពិគ្រោះយោបល់កិច្ចការស្ត្រីនិងកុមារ អណត្តិទី៣ប្រារព្វធ្វើនៅសាលប្រជុំ ផ.អ.៣ ខេត្តកំពង់ចាមនាព្រឹកថ្ងៃ ទី ១៤តុលា។
នៅក្នុងកិច្ចប្រជុំបានលើកយកមកពិនិត្យជជែកពិភាក្សាពីលទ្ធផលដែលបានអនុវត្តរយៈពេល១ខែកន្លងមកដោះស្រាយបញ្ហាប្រឈមមួយចំនួននិងផែនការសម្រាប់អនុវត្តខែបន្ទាប់។ក្នុងនោះបានបង្ហាញពីការលំបាកមួយចំនួនទាក់ទងទៅផលលំបាកក្នុងការផ្តល់សេវាសុខភាពប្រជាពលរដ្ឋនៅក្នុងកំឡុងពេលទឹកជំនន់ ការផ្សព្វផ្សាយ ផលប៉ះពាល់ពីការពន្យាកំណើតជាដើម។
មានប្រសាសន៏នៅក្នុងកិច្ចប្រជុំ លោកជំទាវ ជាឡេងទាង មានប្រសាសន៏ថារយៈពេល១ខែកន្លងមកនេះសមាជិកក្រុមការងារនៅតាមបណ្តាមន្ទីរអង្គភាពពាក់ព័ន្ធបានអនុវត្តន៏ការងារទទួលបានលទ្ធផលល្អក្នុងនោះក៏បានផ្តល់របាយការណ៏មកក្រុមការងារដើម្បីធ្វើការបូកសរុបបានទាន់ពេលវេលាធ្វើអោយសកម្មភាពរបស់គណៈកម្មាធិការពិគ្រោះយោបល់កិច្ចការស្ត្រីនិងកុមារខេត្តកាន់តែមានការរីកចំរើននិងមានប្រសិទ្ធភាពជាបន្តបន្ទាប់។
នៅក្នុងកិច្ចប្រជុំក៏បានលើកផែនការសម្រាប់អនុវត្តខែបន្តដោយចុះទៅមូលដ្ឋានស្រុកចំនួន២គឺស្រុកកោះសូទិន និង ក្រុងកំពង់ចាមនិងស្នើសុំអោយមន្ទីរព័ត៌មានលើកប្រធានបទផ្សព្វផ្សាយក្នុងកម្មវិធីវិទ្យុទាក់ទងទៅនឹងសុខភាពពន្យាកំណើតដោយបានការសហការជាមួយខាងមន្ទីរសុខាភិបាលចូលរួម។
សម ផល្លា
