ថុង សីហា
នៅព្រឹក ថ្ងៃទី ២០ ខែឧសភា ឆ្នាំ ២០២១ ឯកឧត្ដម ខ្លូត ផន ប្រធានក្រុម ប្រឹក្សា ខេត្ត និង ឯកឧត្តម អ៊ុន ចាន់ដា អភិបាលនៃគណអភិបាលខេត្តកំពង់ចាម បានអញ្ជេីញ សំណេះសំណាល និងចុះ សួរសុខទុក្ខ ក្រុមគ្រូពេទ្យ កងយោធពលខេមរភូមិន្ទ ចាក់វ៉ាក់សាំង កូវីដ-១៩ នៅមន្ទីរពេទ្យយោធភូមិភាគទី២ (7D) ក្នុងភូមិអំពិលក្រោម ឃុំអំពិល ស្រុកកំពង់សៀម ខេត្តកំពង់ចាម ។
ក្នុងនោះដែរ ឯកឧត្តម អ៊ុន ចាន់ដា អភិបាលនៃគណអភិបាលខេត្តកំពង់ចាម បានលេីកទឹកចិត្តក្រុមគ្រូពេទ្យកងយោធត្រូវសាមគ្គី គ្នា ក្នុងយុទ្ធនាការ ការទប់ស្កាត់ បង្ការ ជម្ងឺកូវីដ -១៩ ដេីម្បីកាត់ផ្តាច់ខ្សែចម្លងវីរុសមួយនេះ។ បន្ទាប់ពី ប្រមុខរាជរដ្ឋាភិបាលកម្ពុជា បានផ្តល់ឲ្យកងគ្រូពេទ្យ កងយោធពលខេមរភូមិន្ទ ចាក់វ៉ាក់សាំង ជូនកងកម្លាំង ប្រដាប់អាវុធ និងគ្រួសារយោធក្នុងការបង្ការការពារជម្ងឺកូវីដ១៩។
សូមជម្រាបថា ឯកឧត្តម អ៊ុន ចាន់ដា អភិបាលនៃគណអភិបាលខេត្តកំពង់ចាម បានផ្តល់ការលេីកទឹកចិត្តដល់ក្រុមគ្រូពេទ្យ នៃមន្ទីរយោធភូមិភាគទី២ (7D)សរុប ១៨៤នាក់ ដោយក្នុងម្នាក់ៗទទួលបាន ៖
-អង្ករ ២៥គីឡូក្រាម
-មី មួយកេស
-ថវិកា៥០០០០រៀល
ដោយឡែក មន្ទីរយោធភូមិភាគទី២ (7D)នេះ រដ្ឋបាល ខេត្តកំពង់ចាម បានផ្តល់៖ ម៉ាស់១០០០ម៉ាស់,ជេល៥០កាន និងស្រោមដៃ៥០០០គូរ។
