ចិន សារ៉ាត
ថ្ងៃទី០៤ ខែមករា ឆ្នាំ២០២២ នៅសាល់ប្រជុំសាលាខេត្តកំពង់ចាម មានបើកកិច្ចប្រជុំពិភាក្សារៀបចំផែនការ របស់សមាគមនារីកម្ពុជា ដើម្បី សន្តិភាព និងអភិវឌ្ឍន៍ខេត្តកំពង់ចាម ក្រោមវត្តមាន លោកជំទាវ ប៉ាង ដានី អភិបាលរងខេត្ត និងជាប្រធានប្រតិបត្តិសាខា សមាគមនារីកម្ពុជា ដើម្បីសន្តិភាព និងអភិវឌ្ឍន៍ ខេត្តកំពង់ចាម និងសហការីក្រោមឱវាទ មកពីស្ថាប័នអង្គភាពជុំវិញខេត្ត ផងដែរ។
បើតាមមន្ត្រីសមាគមនារីកម្ពុជា ខេត្តកំពង់ចាម បានឲ្យដឹងថា មន្ទីរកសិកម្មខេត្តកំពង់ចាម ខិតខំស្វែង រកដៃគូរអភិវឌ្ឍន៍ ដើម្បី ជួយដល់ សហគមន៍កសិករជាស្ត្រី ជាទូទៅកសិករស្ត្រី គឺជាគោលដៅចម្បងនាំមកនូវសន្តិសុខស្បៀង និងហិរញ្ញវត្ថុ គ្រួសារប្រកបដោយការច្នៃប្រឌិត ។ បច្ចុប្បន្ន ៦៥ភាគរយ ជាកសិករស្ត្រីពឹងផ្អែកវិស័យកសិកម្ម និងការប្រមូលផល ក្នុងនោះសហគមន៍កសិករ ជាស្រី្តមាន ១០ស្រុក ក្រុងក្នុងខេត្តកំពង់ចាម ។
លោកជំទាវ ប៉ាង ដានី អភិបាលរងខេត្ត និងជាប្រធានប្រតិបត្តិសាខា សមាគមនារីកម្ពុជា ដើម្បីសន្តិភាព និងអភិវឌ្ឍន៍ ខេត្តកំពង់ចាម បបញ្ជាក់ថា គោលបំណងសំខាន់ នៃកិច្ចប្រជុំនេះ ដើម្បីលើកកម្ពស់ការយល់ដឹងជាសាធារណៈ ពីអត្ថ ប្រយោជន៍ នៃការធ្វើកសិកម្ម ដើម្បី ឆ្ពោះទៅរកស្ថេរស្បៀង លើកទឹកចិត្តដល់អ្នកផលិត ក្នុង សហគមន៍ជាស្ត្រី តាមជនបទ និងធ្វើកសិកម្ម ប្រកបដោយនិរន្តភាព។ ដូចច្នេះ ក្រុមកសិករជាស្ត្រី ចង់បានផ្តល់វគ្គបណ្តុះបណ្តាលជំនាញកសិកម្មស្តី ពីបច្ចេកទេសកសិកម្ម ធននឹងអាកាសធាតុ ដើម្បី ជួយកសិករឱ្យត្រៀមខ្លួន ធ្វើ យ៉ាងណា បង្កើតប្រភពស្បៀងច្រើន និងមុខរបរប្រកបដោយចីរភាព សម្រាប់ការចិញ្ចឹមជីវិត ទៅថ្ងៃអនាគត ។ ជាមួយគ្នានោះដែរ លោកជុំទាវ បានក្រើនរំលឹក ដល់សមាគមនារីកម្ពុជា ដើម្បី សន្តិភាព និងអភិវឌ្ឍន៍ ខេត្តកំពង់ចាម ទាំងអស់ ត្រូវបន្តការប្រុងប្រយ័ត្ន ចំពោះ ការឆ្លងរាតត្បាត ព្រោះជម្ងឺកូវីដ -១៩ មិនទាន់ទៅណាឆ្ងាយ ពី យើងនៅឡើយទេ ហើយបើបុគ្គលណាដឹងថា ខ្លួន មានផ្ទុកជម្ងឺកូវីដនោះ សូមកុំចម្លងទៅអ្នកដទៃ គឺ រស់រាន់ទៅ រកសេវាព្យាបាល ឲ្យបានដិតដល់ ។ ហើយត្រូវនាំគ្នា ទៅបោះឆ្នោត នាពេល ខាងមុខ ឲ្យបានគ្រប់ៗគ្នា ផងដែរ ៕
