លោកជំទាវ ប៉ាង ដា​នី អញ្ជើញ​សួរសុខទុក្ខ​ស្ត្រី​ជាម​ន្ត្រី​សម្រាលកូន​នៅ​មន្ទីរពេទ្យ​ខេត្តកំពង់ចាម​

​ដោយ៖ សុខ សីលា

បន្ទាប់ពី​ទទួលបាន​ព័ត៌មាន​ថា​ស្ត្រី​ដែលជា​មន្ត្រីរាជការ​បំរើ​ការងារ​នៅ​មន្ទីរ កិច្ចការនារី ខេត្តកំពង់ចាម​បាន​សម្រាលកូន​កំពុង​សម្រាក​ព្យាបាល​នៅ​មន្ទីរពេទ្យ លោកជំទាវ ប៉ាង ដា​នី អភិបាលរង​ខេត្ត និង ជា​ប្រធាន​សមាគមន៍​នារី​កម្ពុជា ដើម្បី​សន្តិភាព និង​អភិវឌ្ឍន៍​ខេត្តកំពង់ចាម បាន​ដឹកនាំ​ក្រុមការងារ​អញ្ជើញ​ចុះសួរសុខទុក្ខ និង នាំយក​ថវិការ​ទៅ​ប្រគល់ជូន នៅ​មន្ទីរពេទ្យ​ខេត្តកំពង់ចាម នា​រសៀល​ថ្ងៃទី​០៤ ខែធ្នូ ឆ្នាំ​២០១៩​។

លោកជំទាវ ប៉ាង ដា​នី បាន​លើកឡើងថា រាជរដ្ឋាភិបាល​តែងតែ​គិតគូរ និង​យកចិត្តទុកដាក់​ទៅលើ​សុខទុក្ខ និង​ជីវភាព​រសនៅ​របស់​ប្រជាពលរដ្ឋ​គ្រប់​ទីកន្លែង​ដោយ​មិនមាន​ការរើសអើង​នោះឡើយ​។ ជាក់ស្ដែង​នៅថ្ងៃនេះ​ក្រោយ​ទទួលបាន​ព័ត៌មាន​ភ្លាម លោកជំទាវ និង​ក្រុមការងារ​បាន​ឆ្លៀតឱកាស​ពី​បំពេញការងារ​ស្នូល​រួមជាមួយ​ក្រុមការងារ​បា​ន​មក​សួរសុខទុក្ខ​និង​នាំយក​ថវិកា​ចំនួន ៨០០,០០០​រៀល​ដែលជា​ថវិកា​របស់​សមា​គម​នារី​និង​សប្បុរសជន​មក​ប្គ​ល់​ជូន​ដល់​មន្ទីរពេទ្យ​តែម្តង​។​

លោកជំទាវ​មាន​ប្រសា​ស​ន៏​បន្តទៀតថា​ថវិកា​ដែល​បាន​យកមក​ប្រគល់ជូន​នៅពេលនេះ​ថ្វីត្បិតតែ​មិន​ច្រើនតែ​អាចជួយ​សម្រាល​បន្ទុក​ជីវភាព​បាន​មួយរយៈ​។ លោកជំទាវ​បាន​ផ្តាំផ្ញើ​ដល់​លោកស្រី​គង់​សុជាតិ​និង​ស្វា​ម៉ី ដែល​ទើប​សម្រាលកូន​ត្រូវ​ខិត​ថែ​រទាំ​សុខភាព​ទាំង​ម្តាយ​និង​កូន​អោយបាន​ល្អ​ដោយ​ប្រកាន់​ភ្ជាប់​តាម​ការណែនាំ​របស់​គ្រូពេទ្យ​។​

​សូមបញ្ជាក់ថា លោកស្រី គង់ សុជាតិ ជា​មន្ត្រី​បំរើកា​រងារ​នៅ​មន្ទីរ​កិច្ចការនារី​ខេត្តកំពង់ចាម​ហើយ​បាន​សម្រាល​កូនប្រុស​ម្នាក់​នៅ​យប់​ថ្ងៃទី​០៣ ខែធ្នូ ឆ្នាំ​២០១៩​នៅ​មន្ទីរពេទ្យ​ខេត្តកំពង់ចាម ។