អត្ថបទ៖ ធឹម សារ៉ន
ដើម្បីរួមចំណែកបណ្តុះវប្បធម៌អាន របស់សិស្សានុសិស្ស និងជួយពង្រឹងគុណភាពវិស័យអប់រំ ស្របតាមគោលនយោបាយរបស់រាជរដ្ឋាភិបាល នៃព្រះរាជាណាចក្រកម្ពុជា និង ការបង្ការទប់ស្កាត់នូវជំងឺ កូវីដ-១៩ នាព្រឹកថ្ងៃទី០៦ ខែមករា ឆ្នាំ២០២១ នេះ លោកជំទាវ ស្រី គឹមឆយ លោកជំទាវ ខុង ស៊ុនអេង លោកជំទាវ កុល ធារិន លោកជំទាវលនសូម៉ានី អ្នកតំណាងរាស្ត្រ មណ្ឌលខេត្តកំពង់ចាម រួមជាមួយ ព្រមទាំង សហការី និងអាជ្ញាធរមូលដ្ឋាន និងម្ចាស់អាហារដ្នានស្មៅទ្លេ បាន នាំយកថវិការ ២លានរៀល ជួលជុលបណ្តាល័យ សិក្សា ស្យាបឹងវែង និង ប្រគល់សម្ភារៈមួយចំនួនដើម្បីការពារខ្លួនពីជំងឺកូវីដ-១៩ ។
នាឱកាសនោះ លោកជំទាវ ស្រី គឹមឆយ អ្នកតំណាងរាស្ត្រ មណ្ឌលខេត្តកំពង់ចាម មានប្រសាសន៍ថា ដោយមើលឃើញ ពីភាពកង្វះខាត់ សម្ភារៈមួយចំនួន និង សៀវភៅជាដើម សម្រាប់ឱ្យសិស្សានុសិស្សសិក្សាស្រាវជ្រាវបន្ថែម ក្រោយពីទំនេរពីម៉ោងសិក្សា ។លោកជំទាវផ្ទាល់ ក៏ដូចជា លោកជំទាវ ជាអ្នកតំណាងរាស្ត្រដូចគ្នា រួមជាមួយ និងសប្បុរសជននានា បានបរិច្ចាកនូវធនធានផ្ទាល់ខ្លួន ដើម្បីអភិវឌ្ឍន៍ឲ្យ បណ្តាល័យមួយនេះ ក្លាយជាកន្លែងផ្តល់ចំណេះដឹងបន្ថែមដល់យុវជន និងកុមារក្នុងតំបន់នេះ។លោកជំទាវ មានប្រសាន៍ បន្តែមថា ទន្ទឹមគ្នានេះ បានអំពាវនាវសុំសៀវភៅ មិនថាចាស់ ឬថ្មីទេ ដើម្បីដាក់នៅក្នុងបណ្ណាល័យ ។
ឆ្លៀតក្នុងឱកានោះ អ្នកតំណាងរាស្ត្រ មណ្ឌលខេត្តកំពង់ចាម ព្រមទាំង សហការី បានបន្ត នាំយកថវិការ អាវយឺត ៥០ និង ប្រគល់សម្ភារៈការពារខ្លួនពីជំងឺកូវីដ-១៩ ដល់សាលាឃុំ ចំនួន០២ឃុំ មានព្រែកដំបូក ចំនួន ៤០០,០០០រៀល និងឃុំបារាណ៍ទទួលបាន ថវិការ២០ម៉ឺនរៀន ម៉ាស់ចំនួន ៥០ម៉ាស និងជែល។