អត្ថបទ៖ ទឹម សំណាង
ឆ្លើយតបតាមការចងក្រងជាសហគមន៍កសិករដាំបន្លែ ចិញ្ចឹមមាន់និងត្រី កសិកម្មខ្នាតតូច ដែលធ្វើឡើង កាលពីថ្ងៃទី២៤ ខែកក្កដា ឆ្នាំ២០២០ នៅក្នុងបរិវេណ កសិដ្ឋានចិញ្ចឹមត្រី បង្កង កង្កែប និងសត្វមាន់ នៅថ្ងៃទី០៩ខែកញ្ញាឆ្នាំ២០២០លោកជំទាវ តោ ពិឡា ទីប្រឹក្សាក្រសួងតំណាងដ៏ខ្ពង់ខ្ពស់ ឯកឧត្តមប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម និងជាប្រធានក្រុមការងារចុះជួយឃុំបឹងណាយ ស្រុកព្រៃឈរ ខេត្តកំពង់ចាមរួមជាមួយក្រុមការងារទីផ្សាម៉ាក្រូកម្ពុជា បានអញ្ជើញជួបនិងពន្យល់អំពីទំនិញមួយ ចំនួន ដែលត្រូវនាំយកចូលទីផ្សាម៉ាក្រូហើយត្រូវរៀបចំដោយរបៀបណាដើម្បីឲ្យទំនិញទាំងអស់នោះប្រកបទៅដោយសោភ័ណភាពនិងគុណ។
នៅក្នុងមតិស្វាគមន៍របស់លោកឡោចាន់លី អភិបាលស្រុកព្រៃឈរនិងលោកឈិន បូរិន ប្រធានមន្ទីរពាណិជ្ជកម្មខេត្តកំពង់ចាម បានថ្លែងនូវអំណរសារទរ យ៉ាងជ្រាលជ្រៅចំពោះលោកជំទាវ តោ ពិឡា ទីប្រឹក្សាក្រសួងតំណាងដ៏ខ្ពង់ខ្ពស់ ឯកឧត្តមប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម និងជាប្រធានក្រុមការងារចុះជួយឃុំបឹងណាយស្រុកព្រៃឈរ ព្រមទាំង ក្រុមការងារទីផ្សាម៉ាក្រូដែលបានយក ចិត្តទុកដាក់ចំពោះប្រជាកសិករស្រុកព្រៃឈរ ដោយបានរួមចំណែកនិងបង្ករលក្ខណៈឲ្យកសិករ យើង មានទីផ្សាសម្រាប់លក់ផលិតផលរបស់ខ្លួន ដូចជាបន្លែ ត្រី មាន់។ល។
លោកស្រី តំណាងក្រុមការងារផ្សាម៉ាក្រូនៅកម្ពុជា បានបញ្ជាក់ផងដែរថា បច្ចុប្បន្ននេះ ទីផ្សារម៉ាក្រូនៅកម្ពុជាយើងនេះ បានបើកលក់ហើយ មានចំនួន ០២កន្លែង ។ ទី១ នៅភ្នំពេញ និងទី២ នៅខេត្តសៀមរាប បានធ្វើការលក់ចែចាយជារៀងរាល់ថ្ងៃ ។ នៅថ្ងៃនេះដែរ ក្រុមការងារយើងខ្ញុំមកថ្ងៃនេះគឺក្នុង គោលបំណងចង់ឲ្យបងប្អូនកសិករដែលជាអ្នកដាំបន្លែ ចិញ្ជឹមសត្វ និងត្រីមានទីផ្សាច្បាស់លាស់ និង ធានានូវតម្លៃផងងដែរ។
អញ្ជើញមានប្រសាសន៍នាឱកាសនោះលោកជំទាវតោពិឡាបានរំលឹកឡើងវិញនូវស្មារតីនៃអង្គប្រជុំកន្លងទៅស្ដីពីគម្រោកសិកម្មខ្នាតតូចរួមមានត្រី បន្លែ មាន់ កង្កែប បង្កង ពេលនេះគឺជាឱកាសបងប្អូន ហើយដែលត្រូវនាំទំនិញចូលទីផ្សាម៉ាក្រូ ក្នុងនោះដែរក៏ត្រូវបានកំណត់ពេលច្បាស់លាស់ ដោយកំណត់ មុនម៉ោង០៦ព្រឹកជារៀងរាល់ថ្ងៃ ហើយនៅស្រុកព្រៃឈរយើងគឺមាន៥ឃុំអាចដាំបន្លែវិលជុំបានដោយ ឡែក១០ឃុំដែលគ្មានប្រភពទឹក អាចចិញ្ចឹមសត្វបានផងដែរ។
បន្ទាបមកក្រុមការងារបានបែងចែកជាបីក្រុមសម្រាប់ផ្ដល់អនុសាសន៍ ដោយជ្រើសរើសពូជមាន់ ដែលត្រូវចិញ្ចឹមយកសាច់និងពូជត្រីតម្រូវតាមទីផ្សានិងការវេចខ្ចប់សំអាត ដោយបេះស្លឹកទំឬស្លឹកណា ដែលមិនស្អាតដាច់រហែកធ្វើឲ្យបន្លែគ្មានសោភ័ណភាព។ម្យ៉ាងវិញទៀតអ្នកដាំបន្លែត្រូវតែគោរពគោលការដោយមិនប្រើប្រាស់ជីគីមីឬថ្នាំសម្លាប់សត្វល្អិត លើសកំណត់ពីការណែនាំរបស់ក្រសួងឬមន្ទីរ កសិកម្មឡើយ បើពិនិត្យឃើញថាមានបញ្ហាដូចដែលបានរៀបរាប់ខាងលើ នោះទីផ្សាឈប់ទទួលយក ហើយ។
