មន្ទីរ​សុខាភិបាល​ជំរុញ​ពលរដ្ឋ​ឱ្យ​បន្ត​រក្សា​អនាម័យ​ដើម្បី​ទប់ស្កាត់​ការឆ្លង​ជំងឺ​កូ​វីដ​១៩

អត្ថបទដោយ៖លោក ធឹម សារ៉ន

​កំពង់ចាម​៖ មន្ទីរ​សុខាភិបាល​ខេត្តកំពង់ចាម បាន​ក្រើនរំឭក​ជាថ្មីទៀត​ទៅដល់​ប្រជាពលរដ្ឋ​ត្រូវតែ​ចេះ​អនាម័យ និង​អនុវត្តតាម​ការណែនាំរ​បស់​ក្រសួងសុខាភិបាល ដើម្បី​ទប់ស្កាត់​ការចម្លង​មេរោគ​កូ​វីដ​១៩​។ នេះ​ជាការ​លើកឡើង​របស់លោក​ស្រី​វេជ្ជបណ្ឌិត ចាប់ ច័ន្ទ​ធិ​តា អនុប្រធាន​មន្ទីរពេទ្យ​ខេត្តកំពង់ចាម បាន​ចូលរួម​នៅក្នុង​កម្មវិធី​សន្ទនា​មិ​តនៃ​វិទ្យុជាតិ​ភ្នំ​ប្រុស​ភ្នំ​ស្រី​ខេត្តកំពង់ចាម ក្រោម​ប្រធានបទ​៖ ការលាង​សំអាត​ដៃ​និង​ការប្រើប្រាស់​ម៉ាស​ឲ្យ​បាន​ត្រឹមត្រូវ (Covid-19) នា​ថ្ងៃ​អង្គារ ទី​០៦ ខែមិថុនា ឆ្នាំ​២០២០​។​


​លោកស្រី​វេជ្ជបណ្ឌិត​បាន​បន្តថា ដើម្បី​ការពារ​ទប់ស្កាត់ និង​បង្កា​ការចម្លង​ជំងឺ​កូ​វីដ​១៩ ប្រជាព​រដ្ន​គួរតែ​លាងជម្រះ​ដៃ​ឲ្យ​បាន​ញឹកញាប់​ជាមួយ​សាប៊ូ​ឱ្យបាន​ស្អាត​ជាមួយ​ទឹក​(​ទឹក​ហូរ​ដូចជា​ទឹក​ម៉ាស៊ីន​)​។​ជូ​តដៃ​ដោយ​ប្រើ​ក្រណាត់​ស្អាត ឬ​កន្សែង​ដែល​ប្រើ​បានតែ​ម្តង​។ ប្រសិនបើ​គ្មាន​សាប៊ូ និង​ទឹក​ទេ សូម​ប្រើ​ទឹក​លាងដៃ​ដែលមាន​ជាតិ​អាល់កុល​យ៉ាងតិចណាស់ ៦០%​ទៅ​៧៥% ភាគរយ ។ ហើយ​ខ្ទប់មាត់ និង​ច្រមុះ នៅពេល​ក្អក​ឬ​កណ្តាស់​ដោយ​ប្រើ​កែងដៃ ឬ​ក្រដាសអនាម័យ រួច​បោះចោល​ក្នុង​ធុងសំរាម​ឲ្យ​បាន​ត្រឹមត្រូវ​។


​លោកស្រី​វេជ្ជបណ្ឌិត​បន្ថែមថា ការប្រើប្រាស់​ម៉ាស​ឲ្យ​បាន​ត្រឹមត្រូវ​លាងដៃ​នឹង​សាប៊ូ​ឬ​ជែ​ល​មុននឹង​លើក​ម៉ា​សមក​ពាក់​ពាក់​ម៉ាស​ឱ្យ​ត្រូវ​ទិស ដោយ​ផ្ទៃ​ស​ទល់​ជាប់​មុខ ផ្ទៃ​ភ្លី​នៅ​ខាងក្រៅ ផ្នត់​បែរមក​ខាងក្រោម​ថ្ពក់​ខ្សែ​ទៅនឹង​ត្រចៀក​ទាំងសងខាង រួច​ទាញ​ម៉ាស់​ឱ្យ​គ្រប​ជិត​ចង្កា​ពេល​ដោះ​ម៉ាស​ចេញ សូមកុំ​ប៉ះ​ផ្នែក​ខាងមុខ​នៃ​ម៉ាស​ម៉ាស​ប្រើ​រួច ត្រូវ​បោះចោល​ក្នុង​ធុងសំរាម​ឱ្យបាន​ត្រឹមត្រូវ​លាងដៃ​ក្រោយពេល​ដោះ​ម៉ាស​។​
​លោកស្រី​វេជ្ជបណ្ឌិត ចាប់ ច័ន្ទ​ធិ​តា បាន​បញ្ជាក់ថា ប្រជាពលរដ្ឋ​គួរតែ​បន្ត​រក្សា​អនាម័យ​ហើយ​អនុវត្តតាម​ការណែនាំរ​បស់​ក្រសួងសុខាភិបាល និង​បង្កើន​នូវ​ការប្រុងប្រយ័ត្ន​ជាប់​ជានិច្ច​ជាមួយនឹង​ជំងឺឆ្លង​កូ​វីដ​១៩ ដ៏​កាច​សាហាវ​នេះ បើទោះបី​ខេត្តកំពង់ចាម​ពុំមាន​អ្នក​ឆ្លង​ថ្មី​បន្ថែមទៀត​ក៏ដោយ​៕