លោកជំទាវ​តំណាងរាស្ត្រ​មណ្ឌល​កំពង់ចាម អញ្ជើញ​សួរសុខទុក្ខ និង​នាំយក​សម្ភារៈ​ថវិកា ជូន​គ្រួសារ​រងគ្រោះ​ភ្លើង​ឆេះ​ផ្ទះ នៅ​ស្រុក​ស្រៃ​សន្ធរ

ដោយ៖​ សុខ សីលា

តំណាងរាស្ត្រ​មណ្ឌល​កំពង់ចាម លោកជំទាវ ស្រី គឹម​ឆ​យ លោកជំទាវ កុល ធា​រិ​ន លោកជំទាវ ខុង ស៊ុន​អេង អមដំណើរ​ដោយ​សមាគមនារី​ស្រុក អា​ជ្ងា​ធរ​មូលដ្ឋាន​ឃុំ​ជី​បាល បាន​អញ្ជើញ​ចុះ​សុខទុក្ខ និង​នាំយក​សម្ភារៈ ថវិកា​មួយចំនួន ជូន​ដល់​ប្រជាពលរដ្ឋ​រងគ្រោះ​ដោយ​អគ្គីភ័យ​ឆេះ​ផ្ទះ នៅ​ភូមិ​ជី​បាល ឃុំ​ជី​បាល ស្រុក​ស្រី​សន្ធរ ខេត្តកំពង់ចាម​។​

លោកជំទាវ​តំណាងរាស្ត្រ បាន​នាំយក​ថវិកា​ចំនួន ១,0៤០,០០០​រៀល ក្នុងនោះ​ថវិកា​សប្បុរសជន ចំនួន ៦៤០,០០០​រៀល រួមទាំង​សម្ភារៈ​មួយចំនួន​ជូន​ដល់​គ្រួសារ​ដែល​រងគ្រោះថ្នាក់​ភ្លើង​ឆេះ​ផ្ទះ មាន​ឈ្មោះថា យ៉ា​ត យ៉ឺ​ន អាយុ​៤២​ឆ្នាំ និង​ប្រពន្ធ​ឈ្មោះ​ឈុន លី អាយុ​៣២​ឆ្នាំ​។ ក្នុងនោះ លោកជំទាវ បាន​ឧ​ប​ម្ថ​ថវិកា ចំនួន ១០០,០០០ ជូន​រដ្ឋបាល​ឃុំ​ជី​បាល​។​

បន្ទាប់មក លោកជំទាវ​តំណាងរាស្ត្រ បាន​បន្ត​ចុះសួរសុខទុក្ខ លោក ហ៊ុល វង្ស សមាជិក​ក្រុមប្រឹក្សា​ស្រុក ដោយ​នាំយក​ថវិកា​ចំនួន​១៧០.០០០​រៀល ជូន​ដល់​គេហដ្ឋាន​ផ្ទាល់ ស្ថិតក្នុង​ភូមិ​ព្រែក​ពោធិ៍ ឃុំ​ព្រែក​ពោធិ៍​។​

នា​ឧិ​កាស​នោះ ដោយមាន​សំណូមពរ​ពី​នាយក​សាលាបឋមសិក្សា​ព្រែក​ដំបូក​ពី​ការខ្វះខាត លោកជំទាវ ក៏បាន​ប្រគល់​ថវិកា​ចំនួន ៦០០,០០០​រៀល និង​១៨០​ដុល្លា ជូន​សាលា​សម្រាប់ធ្វើ​ការកែលម្អ​ចម្រឹង​ប​ង្អូ​ច​ថ្នាក់រៀន​។​