ដោយ៖ សម ផល្លា
នៅវេលាម៉ោង ២៣ : ៣០នាទីយប់ ថ្ងៃសុក្រ ទី១៣ ខែមីនា មានករណីគ្រោះអគ្គិភ័យកើតឡើង នៅចំណុចផ្សារបឹងកុក ភូមិទី៧ សង្កាត់បឹងកុក ក្រុងកំពង់ចាម ឯកឧត្តម អ៊ុន ចាន់ដា អភិបាល នៃគណ:អភិបាលខេត្តកំពង់ចាម និងលោកឧត្តមសេនីយ៍ទោ ឯម កុសលស្នងការនគរបាលខេត្ត បានដឹកនាំកម្លាំងផ្ទាល់ចុះធ្វើការអន្តរាគមន៍បន្លត់អគ្គីភ័យបានទាន់ពេលវេលា។
តាមរបាយការណ៍របស់ស្នងការដ្ឋានដែលបានបង្ហោះនៅក្នុងទំព័រហ្វេសប៊ុកបញ្ជាក់ថា បេសសកកម្មនេះបានប្រើបានស់ រថយន្តពន្លត់អគ្គីភ័យខេត្តកំពង់ចាមចំនួន ៣គ្រឿង រថយន្តអធិការដ្ឋាននគរបាលស្រុកជើងព្រៃ ១គ្រឿង, បាធាយ ២គ្រឿង, ព្រៃឈរ ២គ្រឿង, កំពង់សៀម ១គ្រឿង ចំការលើ១គ្រឿង, កងមាស ១គ្រឿង, ស្ទឹងត្រង់ ១គ្រឿង កោះសូទិន ១គ្រឿង ។ក្នុងនោះក៍មានការចូលរួមសហការពីស្នងការដ្ឋានខេត្តត្បូងឃ្មុំដោយបានជួយផ្តល់ជូនរថយន្ត ពន្លត់អគ្គីភ័យចំនួន៤គ្រឿងបន្ថែមទៀត ។
នៅក្នុងរបាយការណ៍បានបញ្ជាក់ដែរថា ក្រុមអន្តរាគមន៍បានធ្វើការគ្រប់គ្រងស្ថានការបានទាំងស្រុងនៅវេលាម៉ោង១និង៣៥នាទីទាបភ្លឺ ដែលប្រតិបត្តិការនេះចំណាយអស់រយៈពេល ជាង២ម៉ោង។ក្នុងប្រតិបត្តិការនេះ គឺមានចំនួន ១៧គ្រឿង ប្រើទឹកអស់ ៣៦សឺទែន និងប្រើប្រាស់កម្លាំងអន្តរាគមន៍វេនប្រចាំបញ្ជារបស់ស្នងការដ្ឋាននគរបាលខេត្ត, កម្លាំងផែនសណ្ដាប់ធ្នាប់, អគ្គិភ័យ, កម្លាំងរបស់អធិការដ្ឋាននគរបាលក្រុងកំពង់ចាម សរុបរួម ១៩២នាក់ ។
ចំពោះ ទំហំនៃការខូចខាត និង ដើមហេតុ ដែលបណ្ដាលអោយកើតមានអគី្គភ័យ សមត្ថកិច្ចជំនាញ កំពុងធ្វើការ វាយតម្លៃនឹងចេញលទ្ធផលនៅពេលក្រោយ ។
