នួន សត្យា
(កំពង់ចាម)៖ នារសៀល ថ្ងៃទី ១៥ ខែមិថុនា ឆ្នាំ២០២១ ដោយមានការយកចិត្តទុកដាក់ និងចង្អុលបង្ហាញ ពីឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ឯកឧត្តម ហេង វណ្ណនី អភិបាលរងខេត្តកំពង់ចាម បានដឹកនាំក្រុមការងារនាំយកចែកជូនប្រជាពលរដ្ឋ ៤៥ ខ្នងផ្ទះបិទខ្ទប់ ស្មើរ ១១ភូមិ ក្នុងឃុំព្រែករំដេង ស្រុកស្រីសន្ធរ ។
តាមមន្ត្រីរដ្ឋបាល ស្រុកស្រីសន្ធរបានឲ្យដឹងថា ក្រោយពីបានបិទខ្ទប់ចំនួន ៤៥ខ្នងផ្ទះ ស្មើ ១១ភូមិ ស្ថិតនៅក្នុងឃុំព្រែករំដេង ស្រុកស្រីសន្ធរ និងបានដាក់ចេញជាវិធានការបន្ទាន់ ក្នុងការការពារ និងទប់ស្កាត់ជៀសវាងកុំឲ្យមានការរាលដាលពីតាមខ្នងផ្ទះ ទៅជាការរាលដាលជាលក្ខណៈសហគមន៍។
ឯកឧត្តម ហេង វណ្ណនី អភិបាលរង នៃគណ:អភិបាលខេត្តកំពង់ចាម និងមន្ទីរជុំវិញខេត្ត រួមជាមួយនឹងលោក ស៊ីម គង់អភិបាលនៃគណៈអភិបាលស្រុកស្រីសន្ធរ និងជាប្រធានគណៈកម្មការ ទប់ស្កាត់ការឆ្លងរីករាលដាលនៃជំងឺកូវីដ19 ស្រុក បានដឹកនាំក្រុមការងារ ជាអភិបាលរងស្រុក មន្ត្រីរាជការ កងកម្លាំងប្រដាប់អាវុធក្រុមការងារ
អជ្ញាធរឃុំ ភូមិ នាំយកម៉ាស ទៅចែកជូនប្រជាពលរដ្ឋចំនួន១១ភូមិ ក្នុងឃុំព្រែករំដេង ក្នុងគោលបំណងនរួមគ្នាទប់ស្កាត់ការចម្លង រីករាលដាលជំងឺកូវីដ-១៩ ក្នុងសហគមន៍។
ក្នុងឱកាសចុះយុទ្ធនាការនោះដែរ ក្រុមការងារមិនត្រឹមតែចែកម៉ាស់ប៉ុណ្ណោះទេ គឺថែមទាំងបានអប់រំណែនាំដល់ប្រជាពលរដ្ឋ ឱ្យមានការប្រុងប្រយ័ត្នខ្ពស់ ចំពោះការចម្លងរីករាលដាលនៃជំងឺកូវីដ-១៩ ។
ទន្ទឹមនឹងនេះ ក្រុមការងារ ក៍បានណែនាំដល់បងប្អូនប្រជាពលរដ្ឋត្រូវ រក្សាអនាម័យជាប្រចាំ និងអនុវត្តឱ្យបានខ្ជាប់ខ្ជួន តាមការណែនាំរបស់ ក្រសួង សុខាភិបាល ដែលរួមមាន លាងដៃញឹកញាប់ជាមួយសាប៊ូ និងទឹកស្អាត ឬទឹកអាល់កុលលាងដៃ ឬ ជែល , ខ្ទប់មាត់ និងច្រមុះ នៅពេលក្អក ឬកណ្ដាស់ ដោយប្រើកែងដៃ ឬក្រដា
សអនាម័យ រួចបោះចោលក្នុងធុងសំរាមឱ្យបានត្រឹមត្រូវ , និងត្រូវ ស្វាគមន៍ដោយសំពះ ជំនួសឱ្យការចាប់ដៃ ។
ក្នុងករណីមានបញ្ហាមិនស្រួលខ្លួនណាមួយ ដូចជា៖គ្រុនក្តៅ ក្អក ផ្តាសាយ សូមផ្តល់ដំណឹងដល់អាជ្ញាធរមូលដ្ឋាន , ដល់ភ្នាក់ងារសុខាភិបាល និងទៅមណ្ឌល
សុខភាព ឬ មន្ទីរពេទ្យដែលនៅជិតផ្ទះ ដើម្បីត្រួតពិនិត្យ និងតាមដានជាបន្ទាន់ ក្រែងមានករណីកូវីដ-១៩ ៕
