នួន សត្យា
(កំពង់ចាម)៖ មន្ត្រីពេទ្យសត្វការិយាល័យ កសិកម្មស្រុកជើងព្រៃ នៅថ្ងៃទី ១៤ ខែមិថុនា ឆ្នាំ២០២១ បានបើកយុទ្ធនាកាចុះចាក់វ៉ាក់សាំងគោ ក្របី ការពារជម្ងឺសារទឹក ជូនប្រពលរដ្ឋនៅភូមិគោករវៀង ឃុំគោករវៀង ស្រុកជើងព្រៃ ខេត្តកំពង់ចាម។
តាមមន្ត្រីជំនាញពេទ្យសត្វ បានឲ្យដឹងថា
ដើម្បីថែរក្សាសុខុមារភាពសត្វពាហនះ ដែលជាកំលាំងអូសទាញយ៉ាងសំខាន់ សម្រាប់បម្រើប្រជាពលរដ្ឋលើវិស័យកសិកម្មនោះ មន្ត្រីពេទ្យសត្វការិយាល័យ កសិកម្មស្រុក បានបើកយុទ្ធនាកាចុះចាក់វ៉ាក់សាំងគោក្របីការពារជម្ងឺសារទឹកជូនប្រពលរដ្ឋ នៅភូមិគោករវៀង ឃុំគោករវៀង ស្រុកជើងព្រៃ បានចំនួន ៥៧ក្បាលហើយ។
ទន្ទឹមនិងនោះ មន្ត្រីពេទ្យសត្វការិយាល័យ កសិកម្មស្រុក បានអំពាវនាវអោយប្រជាពលរដ្ឋនៅភូមិគោករវៀង ឃុំគោករវៀង ទាំងអស់ ចូលរួមសហការជាមួយមន្ត្រីបសុព្យាល យកសត្វគោ ក្របីមកចាក់វ៉ាក់សាំង ការពារជម្ងឺសារទឹកបានគ្រប់ៗគ្នា។
