អត្ថបទ៖ ទឹម សំណាង
ព្រឹកថ្ងៃទី១៦ខែតុលាឆ្នាំ២០២០លោកជំទាវ អនហេងលក្ខិណាប្រធានគណៈកម្មាធិការពិគ្រោះយោបល់កិច្ចការស្ត្រីនិងកុមារខេត្តកំពង់ចាមបានអញ្ជើញជាមួយក្រុមការងារនាំយកថវិកាយកទៅឧបត្ថម ជូនដល់ក្រុមគ្រួសារក្រីក្រចំនួន២គ្រួសារអ្នកជំងឺ១គ្រួសារនិងឧបត្ថមជូនសាលាបឋមសិក្សាព្រះ ដើម្បី សាងសង់បញ្ចប់ ដំបូល អាងចម្រោះទឹកនិងលាងដៃក្នុងបរិវេណសាលា។ក្នុងនោះ១គ្រួសារស្ឋិតនៅឃុំទួលព្រះឃ្លាំង និង២គ្រួសារនៅឃុំព្រែកកក់ដោយ១គ្រួសារទទួលបានអង្ករ២០គីឡូក្រាមមី១កេសទឹកត្រី១យួរទឹកស៊ីអ៊ី១យួរនិងថវិកា១៥ម៉ឺនរៀលដោយឡែកសាលាបឋមសិក្សាព្រះថវិកា៣០ម៉ឺនរៀល។
នៅក្នុងដំណើរនេះដែរលោកជំទាវ អនហេងលក្ខិណា ក៏បានពាំនាំនូវប្រសាសន៍ផ្ដាំផ្ញើពីសំណាក់ ឯកឧត្តមខ្លូត ផនប្រធានក្រុមប្រឹក្សាខេត្តនិងឯកឧត្តមអ៊ុនចាន់ដា អភិបាលនៃគណៈអភិបាលខេត្តកំពង់ចាមបានផ្ដាំសួរសុខទុក្ខចំពោះប្រជាពលរដ្ឋដែលមានជីវភាពខ្វះខាត់ ហើយក៏តែងតែបានគិតគូពីការលំបាករបស់បងប្អូនប្រជាពលរដ្ឋជានិច្ច។ហើយថវិកានិងសំភារៈទាំងនេះគឺបានចម្លងពីភាពខ្វះខាតបាន មួយរយៈផងដែរហើយក៏ដើម្បីជាឱកាសសម្រាប់បងប្អូនបន្តការងារដើម្បីជីវភាពទៅថ្ងៃមុខផងដែរ។