ដោយ៖ ធឹម សារ៉ន
ដើម្បីបញ្ចៀសនូវឧបទ្ទវហេតុដែលអាចកើតមានជាយថាហេតុចំពោះ ក្មេងក្នុងសិប្បកម្ម ផលិតឥដ្ឋ ក្នុងនោះក្រសួងបានការងារបាន ធ្វើការណែនាំដល់ប្រធានមន្ទីរ ការងារខេត្ត កំពង់ចាម ចុះធ្វើការណែនាំដល់ម្ចាស់ សិប្បកម្មផលិតឥដ្ឋ ដោយហាមក្មេងចូលក្នុង បរិវេណខ្សែសង្វាក់ផលិតកម្មនេះ។
កញ្ញា នួន ស្រីកា មន្ត្រីការិយាល័យអធិការកិច្ចនិងវិវាទការងារនៃមន្ទីរការងារ នៅក្នុង កម្មវិធី សន្ទនាមិតវិទ្យុជាតិភ្នំប្រុសភ្នំស្រីខេត្តកំពង់ចាម ក្រោមប្រធានបទ(ការទប់ស្កាត់ ការប្រើ ប្រាស់ ពលកម្មកុមារនៅតាមសិប្បកម្មឡឥដ្ឋ) ថាក្រោយពីទទួបាន សេចក្តីណែនាំពី ក្រសួងការងាររួចមក មន្ទីរបាន ចុះទៅដល់សិប្បកម្មផលិតឥដ្ឋចំនួន៤៤ ទីតាំង ទូរទាំងខេត្តកំពង់ចាម ដើម្បីធ្វើការអប់រំផ្សព្វផ្សាយ រៀបចំដាក់ស្លាកសញ្ញាធំៗ និងងាយមើលឃើញដូចជា៖ ហាមក្មេងចូលទៅក្នុងបរិវេណខ្សែសង្វាក់ផលិតកម្ម, ជនណាដែលនៅក្មេងចូលទៅក្នុងបរិវេណ ខ្សែសង្វាក់ផលិតកម្ម អាចប្រឈមនឹងបទល្មើសព្រហ្មទណ្ឌ, ការប្រើប្រាស់ពលកម្មកុមារនៅសិប្បកម្មផលិតឥដ្ឋ គឺអាចប្រឈមនឹងបទល្មើសព្រហ្មទណ្ឌ។
កញ្ញាមានប្រសាសន៍បន្តទៀតថាបច្ចុប្បន្នមានអ្នកឃ្លាំមើលជាប្រចាំ និងហាមក្មេងចូលក្នុងបរិវេណខ្សែសង្វាក់ផលិតកម្ម ឬធ្វើការនៅក្នុងសិប្បកម្មផលិតឥដ្ឋក្នុងនោះរៀបចំកន្លែងស្នាក់នៅឲ្យឃ្លាតឆ្ងាយពីខ្សែសង្វាក់ផលិតកម្ម និងត្រូវមានរបងការពារសុវត្ថិភាពដែលខណ្ឌចែកបរិវេណ ខ្សែសង្វាក់ផលិតកម្ម និងកន្លែងស្នាក់នៅ។
កញ្ញាមានប្រសាសន៍បញ្ជាក់បន្តទៀតថាកន្លងមកមន្ទីរបានធ្វើការ សហការជាមួយអាជ្ញាភូមិឃុំស្រុក ខេត្តនិងអង្កការជាដៃគួរធ្វើការផ្សព្វផ្សាយអប់រំដល់ប្រជាពលរដ្ឋពីបញ្ហាប្រឈមការឲ្យកុមារធ្វើការងារហួកំណជាពិសេសអោយកុមារធ្វើការក្នុងសិប្បកម្មឡឥដ្ឋដែលធ្វើអោយប៉ះពាល់ដល់សិទ្ធកុមារ។ជាលិទ្ធផលក្នុងខេត្តកំពង់ចាម មិនមានការប្រើប្រាស់ទម្រង់ធ្ងន់ធ្ងរ នៃពលកម្មកុមារនោះទេ។
