ចិន សារ៉ាត
លោកជំទាវ ប៉ាង ដានី ប្រធានប្រតិបត្តិ សាខាសមាគមនារីកម្ពុជា ដើម្បី សន្តិភាព និងអភិវឌ្ឍន៍ ខេត្តកំពង់ចាម បានដឹកនាំក្រុមការងារ សហការីក្រោមឱវាទ ចូលរួមកិច្ចប្រជុំបូកសរុបលទ្ធផលការងារ ឆ្ពោះទៅកាន់ការងារបោះឆ្នោត ជ្រើសរើសក្រុមប្រឹក្សា ឃុំសង្កាត់ អណត្តិទី៥ ឆ្នាំ២០២២ ដំណាក់កាលទី ១ របស់គណៈចលនាស្ត្រី និងសមាគមនារីកម្ពុជា ដើម្បី សន្តិភាព និងអភិវឌ្ឍន៍ ដោយធ្វើឡើងតាមរយៈប្រព័ន្ធអនឡាញ Zoom ក្រោមអធិបតីភាព លោកជំទាវ កិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី និងជាប្រធានសមាគមនារីកម្ពុជា ដោយមានការចូលរួមដោយផ្ទាល់ និងប្រយោល តាមរយៈ ប្រព័ន្ធវិដេអូរ អនឡាញ សរុបចំនួន ១៩៥នាក់ ។
លោកជំទាវ ប៉ាង ដានី មានប្រសាសន៍ថា កិច្ចប្រជុំនេះ មានគោលបំណង ដើម្បី ដោះស្រាយ បញ្ហាប្រឈម ទុក្ខកង្វល់របស់ស្ត្រី ដែលកំពុងត្រូវការ និងទទួលយកនូវការណែនាំ ពីលោកជំទាវ កិត្តិសង្គហបណ្ឌិត ម៉ែន សំអន ដើម្បី ទទួលបាននូវភាពជោគជ័យ ក្នុងការឈ្នះឆ្នោតជ្រើសរើសក្រុមប្រឹក្សាឃុំ/សង្កាត់ អាណត្តិទី៥ ឆ្នាំ២០២២ ដែលនឹងប្រព្រឹត្តិធ្វើទៅនៅថ្ងៃទី០៥ ខែមិថុនា ខាងមុខនេះ ៕
