នៅក្នុងឱកាសអញ្ជើញចូលជួបសំដែងការគួរសមជាមួយ ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព័ត៌មាន នៅព្រឹកថ្ងៃទី១៨ ខែមករា ឆ្នាំ២០២១ លោក Kim Hyun Jun និង លោក Bok Kyoung Soo ជាជំនួយការ ឯកឧត្តម រដ្ឋមន្ត្រី ក្រសួងព័ត៌មានកម្ពុជា ទទួលបន្ទុក ផ្នែកច្បាប់និង បច្ចេកទេសប្រព័ន្ធ Digital នៃក្រសួងព័ត៌មាន បានធ្វើរបាយការណ៍ជម្រាបជូន ពីលទ្ធផលស្តីពី គម្រោងកិច្ចការងារ មួយចំនួន បន្ទាប់ពី រូបលោកទាំង ២ នាក់ បានធ្វើដំណើរ ទស្សនកិច្ច នៅ សាធារណរដ្ឋកូរ៉េ ក្នុងរយះពេលកន្លងមកនេះ។
លោក Kim Hyun Jun បានជម្រាបជូនថា ក្នុងដំណើរទៅកាន់ សាធារណរដ្ឋកូរ៉េ បានជួបបានជួបពិភាក្សាការងារជាមួយ រដ្ឋាភិបាលកូរ៉េ ទាក់ទងទៅនិងគម្រោងកិច្ចការងារ មួយចំនួន ពាក់ពន្ធ័ជាមួយ ក្រសួងព័ត៌មាន កម្ពុជា ហើយជាមួយនេះ លោកជំនួយការទាំង២ រូប ដែលជាជនជាតិកូរ៉េ ក៏បានស្នើជាមតិយោបល់ពី ឯកឧត្តម រដ្ឋមន្ត្រី ខៀវ កាញារីទ្ធ ដើម្បី មានរបាយការណ៏ បន្តទៀតសម្រាប់អនុវត្តន៏កិច្ចការងារ ។
ឯកឧត្តម រដ្ឋមន្ត្រី ខៀវ កាញារីទ្ធ បានចាត់ទុករបាយការណ៏មួយចំនួន ដែលជំនួយការ កូរ៉េ ទាំងពីររូប គឺលោក Kim Hyun Jun និង លោក Bok Kyoung Soo ជម្រាបជូននាឱកាស នេះគឺជាលទ្ធផលល្អ ក្នុងជំហានដំបូង ហើយក៏ជាផ្នែកមួយដ៏សំខាន់ក្នុងការបន្តទៅ ជំហ៊ាន បន្ទាប់ នៅក្នុងកិច្ចការងារ នៃ កិច្ចសហការ រវាងរដ្ឋាភិបាលសាធារណរដ្ឋកូរ៉េ និង រដ្ឋាភិបាល ក៏ដូចជា ក្រសួងព័ត៌មានកម្ពុជា។ ឯកឧត្តម ខៀវ កាញារីទ្ធ បានជម្រុញលើកទឹកចិត្ត ដល់ ជំនួយការទាំង ២ រូប ដែល ទទួលបន្ទុក ផ្នែកច្បាប់និង បច្ចេកទេសប្រព័ន្ធ Digital នៃក្រសួង ព័ត៌មានកម្ពុជា ត្រូវធ្វើយ៉ាង ណាអោយមានកិច្ចសហការ និងទំនាក់ទំនងល្អជាមួយ គ្រប់ភាគី ពាក់ពន្ធ័ ដើម្បីជម្រុញអោយ កិច្ចការងារ ទទួលបានលទ្ធផលល្អ ៕
ដោយភែកនៅព្រឹកថ្ងៃទី១៩ ខែមករា ឆ្នាំ២០២១ ឯកឧត្តម រដ្ឋមន្ត្រី ខៀវ កាញារីទ្ធ បានទទួលជួប និងទទួលអំណោយជា ម៉ាស់ និងជែលលាងសំអាត មេរោគ ពីសប្បុរសជន គឺ លោកស្រី ខៃ ណារិន និងក្រុមគ្រួសារ នាទីស្តីការក្រសួងព័តមាន ដើម្បីទុកសម្រាប់ប្រើប្រាស់ ប្រចាំថ្ងៃ ក្នុងការពារ កុំអោយឆ្លងមេរោគ កូវីត១៩។
នៅក្នុងឱកាសនោះ លោកស្រី ខៃ ណារិន មានប្រសាសន៏បញ្ចាក់ថា អំណោយ ទាំងនេះ ទោះបីមានចំនួនតិចទូចក្តី តែជាទឹកចិត្តសប្បុរសធម៏ ក្នុងចូលរួមចំណែកជាមួយ រាជរដ្ឋាភិបាល តាមរយះ ឯកឧត្តម រដ្ឋមន្ត្រី ខៀវ កាញារីទ្ធ រួមទាំងថ្នាក់ដឹកនាំ និងមន្ត្រីរាជការ ក្រសួងព័ត៌មាន ក្នុងយុទ្ធនាការការប្រយុទ្ធប្រឆាំងការឆ្លងរីករាលដាលនៃជំងឺកូវីត១៩ តាមរយះ ការ វ៉ាស់កំដៅ ពាក់ម៉ាស់ និងលាងសំអាតដៃជាប់ជាប្រចាំ អោយស្របតាមវិធានការ នានា ដែលក្រសួងសុខាភិបាល បានដាក់ចេញ ក្នុងការរួមគ្នាអនុវត្តន៏អោយមាន ប្រសិទ្ធិភាព។
ឯកឧត្តម រដ្ឋមន្ត្រី ខៀវ កាញារីទ្ធ បានសំដែងនូវការអរគុណចំពោះ លោកស្រី ខៃ ណារិន និងក្រុមគ្រួសារ ដែលមានទឹកចិត្ត ចំណាយថវិកាផ្ទាល់ខ្លួន ដើម្បីទិញម៉ាស់ និង ជែល លាងដៃ សំអាតមេរោគ យកមកប្រគល់ជូននាឱកាសនេះ ស្របពេល ដែលក្រសួងព័ត៌មាន កំពុងត្រូវការជាចាំបាច់ក្នុងការប្រើប្រាស់ប្រចាំថ្ងៃ ជាពិសេសសម្រាប់អ្នកព័ត៌មាន ដែលត្រូវចុះ យកព័ត៌មាន ជារៀងរាល់ថ្ងៃ ហើយត្រូវប្រើប្រាស់ និង ទឹកលាងសំអាត ដៃជាប់ជាប្រចាំ ។
អំណោយជាម៉ាស់ ចំនួន ២ មុឺន ម៉ាស់ និងជែលលាងដៃ សំអាតមេរោគ ទាំង នេះ ឯកឧត្តម រដ្ឋមន្ត្រី នឹងធ្វើការ បែងចែកដល់បណ្តាអគ្គនាយកដ្ឋានទាំង៥ ចំណុះក្រសួង ព័ត៌មាន សម្រាប់ប្រើប្រាស់ ដើម្បី ការពារ និងទប់ស្កាត់ការឆ្លងជំងឺកូវីដ១៩ ៕
