នួន សត្យា
(កំពង់ចាម)៖ នៅថ្ងៃទី ១៨ ខែមិថុនា ឆ្នាំ២០២១ អាជ្ញាធរស្រុកស្ទឹងត្រង់ បានចែកអំណោយជូនប្រជាពលរដ្ឋទីទាល់ក្រ ចំនួន ៣០គ្រួសារ គឺឃុំព្រែកកក់ ។
លោក ទុន ណេត អភិបាលស្រុកស្ទឹងត្រង់បានឲ្យដឹងថា ប្រជាពលរដ្ឋទីទាល់ក្រ ចំនួន ៣០គ្រួសារ បានទទួលអំណោយពីអាជ្ញាធរស្រុក គឺឃុំព្រែកកក់ ចំនួន ១៥គ្រួសារ និងឃុំព្រែកបាក់ ចំនួន ១៥គ្រួសារ ក្នុងមួយៗគ្រួសារ ទទួលបាន៖ អង្ករ ២៥គីឡូក្រាម ,មី ១កេះ, ទឹកត្រី ១យួរ, ត្រីខ ១យួរ និងថវិកាចំនួន ២០,០០០រៀល ជាអំណោយរបស់ឆ្នោតមហាសំណាង ។
ស្ថិតក្នុងឱកាសនោះដែរ អភិបាលស្រុកស្ទឹងត្រង់ លោក ទុន ណេត បានអំពាវនាវដល់ប្រជាពលរដ្ឋទាំងអស់ អោយបង្កើនការ ការពារខ្លួន ជៀសអោយផុតពីការឆ្លង ជំងឺកូវីដ-១៩ ដោយត្រូវអនុវត្តអោយបានខ្ជាប់ខ្ជួននូវវិធានសុខាភិបាល ” ៣ការពារ និង ៣កុំ ” ពិសេស ការលាងសម្អាតដៃជាប្រចាំ, ការអនុវត្តន៍កាតព្វកិច្ចពាក់ម៉ាស់ , កាតព្វកិច្ចរក្សាគម្លាតសុវត្ថិភាពសង្គម និងគម្លាតសុវត្ថិភាពបុគ្គល តាមអនុក្រឹត្យរបស់រាជរដ្ឋាភិបាល និងសេចក្តីជូនដំណឹង របស់ក្រសួងសុខាភិបាល ក្នងដំណាក់កាលនៃការឆ្លងរាលដាល ជម្ងឺកូវីដ-១៩ បម្លែងថ្មី ក្នុងសហគមន៍ ។