***នៅរសៀលថ្ងៃទី១៨ខែតុលាឆ្នាំ២០២២នេះថ្នាក់ដឹកនាំជាច្រើនរូបនៃក្រសួងសង្គមកិច្ចអតីតយុទ្ធជន និងយុវនីតិ សម្បទាដែលដឹកនាំដោយ ឯកឧត្តម ម៉ែន សុចិត្រ រដ្ឋលេខាធិការក្រ សួងសង្គមកិច្ចអតីតយុទ្ធជននិងយុវនីតិសម្បទាគឺបានអញ្ជើញចុះបត្ថមជាស្បៀងអាហារជូន ដល់ពលរដ្ឋរងគ្រោះដោយជំនន់ទឹកភ្លៀង និងប្រជាពលរដ្ឋមានជីវភាពខ្វះខាតចំនួន១៤០ គ្រួសារដែលពិធីនេះបានធ្វើឡើងនៅក្នុងវត្តគិរីបុប្ផារាម ក្នុងឃុំបាធាយ ស្រុកបាធាយ ខេត្ត កំពង់ចាមដោយមានការចូលរួមពីសំណាក់លោក ផេន សុផល អភិបាលនៃគណៈអភិបាល ស្រុកបាធាយ រួមទាំងលោកទូច វឌ្ឍនា ប្រធានមន្ទីរង្គមកិច្ចអតីតយុទ្ធជន និងយុវនីតិ សម្បទា ខេត្តកំពង់ចាមផងដែរ។
*** នៅក្នុងពិធីនេះដែរឯកឧត្តម ម៉ែន សុចិត្រ មានប្រសាសន៍បញ្ជាក់ថាខេត្តមួយចំនួនបាន ទទួលរងផលប៉ះពាល់ដោយជំនន់ទឹកភ្លៀង និងធ្វើឲ្យប៉ះពាល់ដល់ជីវភាពរស់នៅ ការបង្ករ បង្កើនផល អាជីវកម្មផ្សេងៗ។ ដូចនេះតាមរយះក្រសួងសង្គមកិច្ចតែងតែគិតគូទៅតាមលទ្ធ ភាពក្នុងនាមជាសេនាធិការរបស់រាជរដ្ឋាភិបាល ជាពិសេសគិតគូដល់ពុកម៉ែបងប្អូនដែលមាន ជីវភាពលំបាក។ជាមួយគ្នានេះក្រសួងសង្គមកិច្ចក៏បានផ្តល់សេវាជួយដោះស្រាយជួយដល់ប្រជាពលរដ្ឋខ្វះខាតទៅតាមកម្មវិធីផ្សេងៗក្នុង១ខែរដ្ឋាភិបាលចំណាយលុយអស់ខ្ទង់៣០លាន ដុល្លាដើម្បីជួយដោះស្រាយប្រជាពលរដ្ឋក្រីក្រប្រមាណ៣លាននាក់។ បន្ទាប់ពីលោកទូច វឌ្ឍនា ប្រធានមន្ទីរង្គមកិច្ចខេត្តបានអានរបាយការណ៍ស្វាគមន៍រួចមកលោក ផេន សុផល អភិបាលនៃគណៈអភិបាលស្រុកបាធាយមានប្រសាសន៍បញ្ជាក់ទៀតថាជាក់ស្ដែងប្រជាកសិករឆ្នាំនេះបាន អនុវត្តលើការងារបង្ករបង្កើតផលស្រូវរដូវវស្សាបាន ២០,៣៥៥ហិចតា ស្មើនឹង ៩៦.៥១% នៃផែនការ ២១,០៩០ហិចតា។ ប៉ុន្តែដោយទឹកជំនន់ ឆ្នាំនេះក៏ជនខ្លាំង ហើយភ្លៀង ក៏ធ្លាក់ជោកជាំបណ្តាលឲ្យប៉ះពាល់ និងខូច ខាតស្រូវ ចំនួន ២,៧៤៥ហិចតា ក្នុងឃុំចំនួន ៩ឃុំ ស្មើនឹង៥៣ភូមិត្រូវជា២,៥១៧គ្រួសារ ដែលកន្លងទៅនេះ រដ្ឋបាលស្រុក ក៏បានធ្វើការ ស្នើសុំ ស្រូវពូជពីរដ្ឋរាជរដ្ឋាភិបាល សម្រាប់ស្ដារឡើងវិញនៅពេលទឹក ជំនន់ស្រុករួច។ ដោយឡែកថ្ងៃ នេះប្រជាពលរដ្ឋក្រីក្រ ខ្វះ ខាតស្បៀង ចំនួន ១០០ គ្រួសារ មកពី ៣ឃុំ មាន ឃុំបាធាយ ចំនួន ២០គ្រួសារ ឃុំមេព្រីង ចំនួន២០គ្រួសារ និងឃុំជើងព្រៃ ចំនួន២០គ្រួសារ និង ខាងបងប្អូន ជនពិកាចំនួន៤០គ្រួសារផងដែរ៕
