ធឹម សារ៉ន
នារសៀល ថ្ងៃទី២៤ ខែសីហា ឆ្នាំ២០២១ នេះលោកជំទាវប៉ាងដានីអភិបាលរងខេត្ត តំណាង ឯកឧត្តម អ៊ុន ចាន់ដា អភិបាល ខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជម្ងឺកូវីដ ១៩ អមដំណើរដោយ លោក ស្រីអភិបាលរងក្រុង លោស្រីប្រធានមន្ទីរ និងមន្ត្រីពាក់ព័ន្ធ បានអញ្ជើញចុះសួរសុខទុក្ខ នាំយកសម្ភារៈ ដែលជាអំណោយ របស់រដ្ឋបាលខេត្ត ចុះសួរសុខទុក្ខ ដល់មន្ត្រី ចំនួន ០៥នាក់ នៃមន្ទីរកិច្ចការនារីខេត្ត ដែលកំពុងសម្រាកចត្តាឡីស័កនៅគេហដ្ឋាន ស្ថិតនៅភូមិជ្រោយថ្ម សង្កាត់បឹងកុក ក្រុងកំពុងចាម។
ស្ថិតក្នុងឱកាសនោះដែរលោកជំទាវអភិបាលរងខេត្តបានណែនាំ សូមបន្តថែទាំសុខភាព តាមរយៈ ការចូលរួមបន្តអនុវត្តវិធានសុខាភិបាល «៣ការពារ និង ៣កុំ» ដើម្បី ជៀសផុតពីការឆ្លងជម្ងឺ ដ៏កាចសាហាវនេះ ទៅក្រុមគ្រួសារ ក៏ដូចជា ទៅក្នុងសហគមន៍ ផងដែរ។ហើយសម្រាប់សម្ភារៈ ដែលជាអំណោយ របស់រដ្ឋបាលខេត្ត គឺជាការរួមចំណែក ជួយសម្រួលដល់ជីវភាពមន្ត្រីរាជការ ដែលកំពុងជាប់ចត្តាឡីស័ក បន្ទាប់ពីបានប៉ះពាល់ដោយផ្ទាល់ និងប្រយោល ជាមួយនឹងអ្នកវិជ្ជមានកូវីដ ១៩។
សម្ភារៈដែលត្រូវប្រគល់ជូនក្នុង ០១នាក់ទទួលបាន អង្គរ ២៥គីឡូក្រាម, មីជាតិ ០១កេស, ម៉ាស់ ០១ប្រអប់, និងជែលលាងដៃ ០១ដប ។
