នួន សត្យា
(កំពង់ចាម)៖ ឯកឧត្តម វេជ្ជបណ្ឌិត គីមសួរ ភិរុណ ប្រធានមន្ទីរសុខាភិបាលខេត្តកំពង់ចាម រួមនិងអាជ្ញាធរស្រុកកំពង់សៀម នៅថ្ងៃទី ៣០ ខែមិថុនា ឆ្នាំ ២០២១ បានចុះពិនិត្យទីតាំង ចាក់វ៉ាក់សាំងកូវីដ-១៩ ក្នុងភូមិសាស្ត្រស្រុកកំពង់សៀម ខេត្តកំពង់ចាម ។
លោក ប៊ិន ឡាដា អភិបាល នៃគណៈអភិបាលស្រុកកំពង់សៀម បានឲ្យដឹងថា គណៈអភិបាលស្រុក និងក្រុមការងារសាលាស្រុក បានចុះពិនិត្យទីតាំង ចាក់វ៉ាក់សាំងកូវីដ-១៩ នៅសាលាបឋមសិក្សាវត្តថ្មី និងសាលាបឋមសិក្សាភ្នំប្រុស បន្ទាប់មក ក្រុមការងារ បានអមដំណើរ ឯកឧត្តម វេជ្ជបណ្ឌិត គីមសួរ ភិរុណ ប្រធានមន្ទីរសុខាភិបាលខេត្តកំពង់ចាម ចុះពិនិត្យទីតាំង ចាក់វ៉ាក់សាំងកូវីដ-១៩ សាលាបឋមសិក្សាអង្គួញដី, និង សាលាបឋមសិក្សាអង្គរ ។
យ៉ាងណាក៏ដោយ លោកអភិបាលស្រុកកំពង់សៀម បានបញ្ជាក់ថា នៅគ្រប់ទីតាំងទាំង 8 ដែលកំពុងដំណើរការចាក់វ៉ាក់សាំងជូនប្រជាពលរដ្ឋក្នុងភូមិសាស្ត្រស្រុកកំពង់សៀម គឺមានសភាពការណ៍ និងសន្តិសុខសណ្ដាប់ធ្នាប់ល្អប្រសើរ មិនមានអ្វីគួអោយកត់សម្គាល់ឡើយ។
