ឯកឧត្តមអ៊ុនចាន់ដា ស្នើអោយ មន្ទីរស្ថាប័នរបស់រដ្ឋត្រូវឈាមមុខក្នុងការផ្តល់សេវារបស់ខ្លួនស្របតាមគោលនយោបាយវិមជ្ឍការនិងវិសហមជ្ឍការរបស់រាជរដ្ឋាភិបាលនិងផ្តល់ការគាំទ្រគម្រោងអាទិភាពឃុំសង្កាត់។ ឯកឧត្តមមានប្រសាសន៏បែបនេះនៅក្នុងពេលអញ្ជើញចូលរួមបើកសិក្ខាសាលាសមាហរណកម្ម កម្មវិធីយោគ៣ឆ្នាំរំកិល (២០២០-២០២២) នៅសាលាស្រុកកំពង់សៀមព្រឹកថ្ងៃទី៣០ តុលា ដោយមានការអញ្ជើញចូលរួមពីមន្ទីរពាក់ព័ន្ធមន្ត្រីរាជការ ក្រុមប្រឹក្សា ស្រុក -ឃុំ មេឃុំ ។
លោក ប៊ិន ឡាដា អភិបាលស្រុកកំពង់សៀមបានអោយដឹងថា ក្នុងរយៈពេល១ឆ្នាំកន្លងមកនេះ ជ្ញាធរគ្រប់ថ្នាក់បានខិតខំបំពេញការងារសម្រេចបានលទ្ធផលនិងស្នាដៃជាច្រើនក៏ប៉ុន្តែនៅមានបញ្ហាប្រឈម១ចំនួនទៀត លាយឡំនឹងការខ្វះខាតនិងចំណុចខ្សោយដែលយើងត្រូវកែលម្អរហើយអនុវត្តអោយបានល្អប្រសើរថែមទៀត។ក្នុងនោះ លោកអភិបាលស្រុកបានសន្យាថា ក្នុងនាមអាជ្ញាធរស្រុកដែលមានឃុំចំនួន១៥នឹងខិតខំអនុវត្តអោយចំគោលដៅយដែលប្រជាពលរដ្ឋចង់បាន ពង្រឹងអោយបានទាំងគុណភាណ ប្រសិទ្ធភាពនិងតម្លាភាព។
មានមតិសំណេះសំណាលនៅក្នុងឱកាសបើកសិក្ខាសាលាឯកឧត្តមអ៊ុន ចាន់ដា អភិបាលនៃគណៈអភិបាលខេត្តកំពង់ចាមមានប្រសាសន៏ថា បច្ចុប្បន្ននេះ រាជធានីទាំងខេត្តគ្រប់ខេត្តនៅទូទាំងប្រទេសកំពុងតែសកម្មប្រយុទ្ធយ៉ាងក្លៀវក្លាក្នុងការអនុវត្តគោលនយោបាយយុទ្ធសាស្ត្រចតុកោណដំណាក់កាលទី៤របស់រាជរដ្ឋាភិបាលដែលដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបេតីតេជោហ៊ុនសែនជាប្រមុខដឹកនាំ។
ឯកឧត្តមអភិបាលខេត្តមានប្រសាសន៏បន្តទៀតថាចំពោះមន្ទីរ អង្គភាពដែលជាស្ថាប័នរបស់រដ្ឋត្រូវឈានមុខក្នុងការផ្តល់សេវារបស់ខ្លួនស្របតាមគោលនយោបាយវិមជ្ឍការនិងសហវិមជ្ឍការរបស់រាជរដ្ឋាភិបាលផ្តល់ការគាំទ្រគម្រោងអាទិភាពឃុំសង្កាត់។ក្នុងនោះសូមប្រើប្រាស់អោយអស់លទ្ធភាព ធនធានផ្សេងៗដែលបានពីថ្នាក់ជាតិ ពីសប្បរសជននិងប្រភពផ្សេងៗដើម្បីគាំទ្រគម្រោងអាទិភាព ក្នុងសិក្ខាសាលានៅពេលនេះ។
សម ផល្លា