នួន សត្យា
(កំពង់ចាម)៖ ថ្ងៃទី១៨ ខែសីហា ឆ្នាំ២០២១ ឯកឧត្តម ជ្រីម ឆេងលីម អនុប្រធានក្រុមការងារតំណាងអោយឯកឧត្តម លី វ៉ាន់ហុង ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយករដ្ឋបាល និងហិរញ្ញវត្ថុក្រសួងព័ត៌មាន និងជាអនុប្រធានក្រុមការងាររាជរដ្ឋាភិបាល ចុះមូលដ្ឋានស្រុកកោះសូទិន ព្រមទាំងជាប្រធានក្រុមការងារថ្នាក់កណ្ដាលចុះមូលដ្ឋានឃុំមហាខ្ញូង បាននាំយកនូវសម្ភារៈបរិក្ខាពេទ្យប្រគល់ជូនក្រុមគ្រូពេទ្យ ដើម្បីប្រើប្រាស់សម្រាប់ចាក់វ៉ាក់សាំងការពារជម្ងឺកូវីដ១៩ រួមមាន អាល់កុល ១កាន , អាវការពារ (PPE) ២០ , ម៉ាស ២០ប្រអប់, ថវិកា ២០០.០០០រៀល ។ ដោយឡែក រដ្ឋបាលឃុំមហាខ្ញូង អាកុល១កាន , ការធ្វើបច្ចុប្បន្នភាពបញ្ជីក្រុមបក្ ថវិកា ៤.០០០.០០០ រៀល ។ ឆ្លៀតឧិកាសនេះផងដែរ ឯកឧត្តម បានផ្សព្វផ្សាយណែនាំអប់រំពីវិធានការអនាម័យ៣ការពារ និង៣កុំផងដែរ។
លោក យី វណ្ណៈ អភិបាលស្រុកកោះសូទិនបានឲ្យដឹងផងដែរថា នៅថ្ងៃដដែលនេះក្រុមការងាររដ្ឋបាលស្រុក បានប្រគល់អំណោយរបស់ក្រុមហ៊ុនឆ្នោតមហាសំណាងដេប៉ូខេត្តកំពង់ចាម ចែកជូនប្រជាពលរដ្ឋនៅក្នុងឃុំកំពង់រាប ចំនួន ៣០ គ្រួសារ ក្នុងមួយគ្រួសារទទួលបាន , អង្ករ ២៥ គីឡ, មីជាតិ ១កេស,ត្រីខ ១យួ, ទឹកត្រី ១យួ, និងថវិកាមួយចំនួន និងរដ្ឋបាលឃុំ ទទួលបាន ទឹកអាកុល ៣០លីត្រ និងទឹកសុទ្ធ ៥កេសផងដែរ។
