នួន សត្យា
(កំពង់ចាម)៖ ឯកឧត្តម អ៊ុភឿន គុណវុឌ្ឍ អភិបាលរងនៃគណៈអភិបាលខេត្តកំពង់ចាមតំណាងដ៏ខ្ពង់ខ្ពស់ឯកឧត្តមអ៊ុនចាន់ដាអភិបាលនៃគណៈអភិបាលខេត្តកំពង់ចាម រួមជាមួយអាជ្ញាធរស្រុកជើងព្រៃ នៅថ្ងៃទី ២៥ ខែមិថុនា ឆ្នាំ២០២១ បានចុះសំណេះសំណាល និងផ្ដល់អំណោយដល់ប្រជាពលរដ្ឋជួបការខ្វះខាត ចំនួន ៣៥គ្រួសារ ស្ថិតក្នុងឃុំសូទិព្វ ស្រុកជើងព្រៃ ខេត្តកំពង់ចាម ។
អភិបាលនៃគណៈអភិបាលស្រុកជើងព្រៃលោក អូត ឈាងលី បានឲ្យដឹងថា ប្រជាពលរដ្ឋស្ថិតនៅក្នុងតំបន់បិទខ្ទប់ចំនួន ៣៥គ្រួសារ ស្ថិតក្នុងឃុំសូទិព្វ ស្រុកជើងព្រៃ បានទទួលអំណោយពីរដ្ឋបាលខេត្តកំពង់ចាម ចុះផ្ដល់ជូនដោយក្រុមការងារអាជ្ញាធរស្រុក ដឹកនាំដោយឯកឧត្តម អ៊ុភឿន គុណវុឌ្ឍ អភិបាលរងនៃគណៈអភិបាលខេត្តកំពង់ចាម ។
អំណោយដែលបាន ផ្ដល់ជូនប្រជាពលរដ្ឋទាំង ៣៥គ្រួសារ ដោយក្នុង ១គ្រួសារទទួលបាន អង្ករ ២៥គីឡូក្រាម មី១កេស ត្រីខ ១០កំប៉ុង ទឹកស៊ីអ៊ីវ ១យួរ និងថវិកាចំនួន២០ ០០០រៀល ។ ជាមួយគ្នានោះដែរក្រុមការងារ បានឧបត្ថម្ភដល់សមាជិកបក្សក្នុងមូលដ្ឋានឃុំចំនួន ១២នាក់ ក្នុងម្នាក់ទទួលបានថវិកា ២០ ០០០រៀល។