លោក ចេង ច័ន្ទណារិទ្ធ នាយសាលផ្នែកមណ្ឌលផ្ដល់ឈាមនៃមន្ទីរពេទ្យខេត្តកំពង់ចាម ថាការបរិចាគឈាមនៅក្នុងខេត្តកំពង់ចាមមានការឡើងជារៀងរាលឆ្នាំ ដោយប្រជាពល រដ្ឋ និង យុវជនបានយល់ដឹងពីអត្ថប្រយោជន៍និងចូលរួមបរិចាគឈាមច្រើន។
លោក ចេង ច័ន្ទណារិទ្ធ បន្តថា នៅក្នុងឆ្នាំ២០១៨ជាគោលដៅការបរិចាគឈាមគឺទទួលបាន៥២% ដែលចំនួននេះលើសពីការរំពឹងទុករបស់មន្ទីរពេទ្យខេត្ត ចំណែកឆ្នាំ២០១៩មន្ទីរពេទ្យខេត្តគឺបានដាក់គោលដៅក្នុងការប្រមូលឈាមឲ្យបាន៥៦%ក្នុងមួយឆ្នាំ។
លោកថា ចំនួននៃការបរិចាគឈាមនឹងមានការកើនឡើងដោយសារតែមានការចូលរួមពីយុវជនច្រើន ជាងឆ្នាំមុន ដោយនៅថ្ងៃទី១១ ខែមេសា យុទ្ធការនៃការបរិចាគឈាមតែមួយថ្ងៃទទួលបាន ៨៨ប្លោក ដែលចំនួននេះគឺច្រើន ហើយមន្ទីរសុខាភិបាលនឹងធ្វើយុទ្ធនាការនៃចុះទៅប្រមូលឈាមនៅតាសាលារៀន សកលវិទ្យាល័យ ឬតាមរយៈការស្ម័គ្រចិត្តរបស់ សសយកខេត្ត។
លោក ចេង ច័ន្ទណារិទ្ធ បញ្ជាក់ថាឈាមដែលសប្បុរសជន ដែលបានបរិចាគ គ្មានការទិញលក់ទេ គឺសម្រាប់ជួយដល់ជនរងគ្រោះដោយឥតគិតថ្លៃដល់ជនរងគ្រោះដែលត្រូវការឈាម។
មួន ធារី