នួន សត្យា
(កំពង់ចាម)៖ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មាធិការខេត្តប្រយុទ្ធប្រឆាំងនឹងជំងឺកូវីដ-១៩ នៅរសៀលថ្ងៃទី២០ ខែឧសភា ឆ្នាំ២០២១ បានដឹកនាំក្រុមការងារខេត្ត អាជ្ញាធរស្រុក និងមន្ត្រីពាក់ព័ន្ធអញ្ជើញចុះពិនិត្យទីតាំងមណ្ឌលចត្តាឡីស័ករបស់រដ្ឋបាលស្រុកកំពង់សៀម នៅវិទ្យាល័យសម្ដេច ជួន ណាត ស្ថិតនៅក្នុងឃុំក្រឡា ស្រុកកំពង់សៀម ។
ទន្ទឹមនឹងការអញ្ជើញចុះពិនិត្យមណ្ឌលចត្តាឡីស័កនោះ ឯកឧត្តមអភិបាលខេត្ត បានដាក់ចេញនូវវិធានការក្នុងការប្រយុទ្ធប្រឆាំង ការពារ និងទប់ស្កាត់ការឆ្លងរាលដាលនៃវីរុសបម្លែងថ្មី កូវីដ-១៩។
គូរបញ្ជាក់ផងដែរថា គិតត្រឹមថ្ងៃទី២០ ខែឧសភានេះ មណ្ឌលចត្តាឡីស័ករបស់រដ្ឋបាលស្រុកកំពង់សៀម បានទទួលអ្នកមកធ្វើចត្តាឡីស័កប្រមាណ ជាង ៣០០នាក់ ដោយក្នុងនោះអ្នកវិជ្ជមានកូវីដ-១៩ ទូទាំងស្រុកមានចំនួន ១៩នាក់ រួមនឹងអ្នកពាក់ព័ន្ធដោយផ្ទាល់ និងដោយប្រយោលមួយចំនួនទៀត ដែលពេលនេះក្រុមគ្រូពេទ្យ និងអាជ្ញាធរមានសមត្ថកិច្ច កំពុងបន្តរុករកអ្នកពាក់ព័ន្ធជាមួយនឹងអ្នកវិជ្ជមានកូវីដ-១៩ ដើម្បីយកពួកគាត់ធ្វើតេស្តសំណាក និងយកមកធ្វើចត្តាឡីស័កទៅតាមវិធានរបស់ក្រសួងសុខាភិបាលផងដែរ។