នួន សត្យា
(កំពង់ចាម)៖ នៅព្រឹកថ្ងៃទី ៩ ខែឧសភា ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន រួមនឹងឥស្សរជនជាថ្នាក់ដឹកនាំព្រឹទ្ធសភា រដ្ឋសភា រាជរដ្ឋាភិបាលកម្ពុជា មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋយ៉ាងច្រើនកុះករបានចូលរួមដង្ហែសព សម្ដេចឧត្ដមទេពញាណ ហ៊ុន ណេង ពីគេហដ្ឋានស្ថិតនៅភូមិទី៧ សង្កាត់កំពង់ចាម ក្រុងកំពង់ចាម ទៅបញ្ចុះនៅវត្តសុវណ្ណគីរីរតនៈភ្នំប្រុស ភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម។
សូមបញ្ជាក់ថា នៅថ្ងៃទី០៧ ខែឧសភា ឆ្នាំ២០២២ ព្រះករុណា ព្រះបាទសម្ដេចព្រះ បរមនាថនរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជាជាទីសក្ការៈដ៏ខ្ពង់ខ្ពស់បំផុត បានចេញព្រះរាជក្រឹត្យផ្ដល់គោរមងារ លោក ព្រឹទ្ធាចារ្យ ហ៊ុន ណេង បងប្រុសសម្ដេចតេជោ ហ៊ុន សែន ជា «សម្ដេចឧត្ដមទេពញាណ»។
គួររំលឹកផងដែរថា ឯកឧត្តម ព្រឹទ្ធាចារ្យ ហ៊ុន ណេង ប្រធាន គណៈកម្មការ ទី ៤ នៃ រដ្ឋសភា ដែល បានទទួល មរណភាព នៅ ម៉ោង ៦ និង ២៥ នាទី ល្ងាច ថ្ងៃទី ០៥ ខែឧសភា ឆ្នាំ ២០២២ ក្នុង ជន្មាយុ ៧២ ឆ្នាំ ហើយ សព របស់ ឯកឧត្តម ហ៊ុន ណេង ត្រូវ តម្កល់ ធ្វើបុណ្យ នៅ គេហដ្ឋាន ដែល ស្ថិតនៅ ភូមិ ទី ៧ សង្កាត់ កំពង់ចាម ក្រុង កំពង់ចាម ខេត្តកំពង់ចាម ទៅតាម ប្រពៃណី ព្រះពុទ្ធសាសនា ហើយ នៅ ថ្ងៃ ចន្ទ ទី ០៩ ខែឧសភា ឆ្នាំ ២០២២នេះ សព ឯកឧត្តម ហ៊ុន ណេង នឹងត្រូវ ដង្ហែ ទៅ បញ្ចុះ នៅ វត្ត សុវណ្ណ គិរី រតនៈ ស្ថិតនៅ ភ្នំ ប្រុស ភូមិ ត្រពាំង ចារ ឃុំ ក្រឡា ស្រុក កំពង់សៀម ខេត្តកំពង់ចាម ។
យោងតាមប្រព័ន្ធផ្សព្វផ្សាយក្នុងស្រុកបានឲ្យដឹងថា ជីវប្រវត្តិ សង្ខេប របស់ ឯកឧត្តម ហ៊ុន ណេង មានឈ្មោះ ដើម ហ៊ុន ឡុង សេង កើត នៅ ថ្ងៃទី ២ ខែ មេសា ឆ្នាំ ១៩៥០ នៅ ភូមិ ពាម ក្រៅ ឃុំ ពាម កោះ ស្នា ស្រុក ស្ទឹងត្រង់ ខេត្តកំពង់ចាម នៅក្នុង គ្រួសារ កសិករដែលមាន ឪពុក ឈ្មោះ ហ៊ុន នាង និង ម្តាយ ឈ្មោះ ឌី ប៉ុក។ ឯកឧត្តម ជា កូន ទី ២ ក្នុងចំណោម បងប្អូន ៦ នាក់ ក្នុងនោះ ស្រី ៣ នាក់ ។ ឯកឧត្តម ហ៊ុន ណេង បាន រៀប អាពាហ៍ពិពាហ៍ ជាមួយនឹងលោកជំទាវ លាង វួ ច ឆេង នៅ ឆ្នាំ ១៩៧១ និង មាន បុត្រាបុត្រី ចំនួន ៦ នាក់ ក្នុងនោះ ស្រី ៣ នាក់ ។
ក្នុងនាម ជា កូន កសិករ ម្នាក់ នៅមុន ឆ្នាំ ១៩៧០ ឯកឧត្តម បាន តស៊ូ សិក្សា រៀនសូត្រ នៅ សាលា បឋមសិក្សា ពាម កោះ ស្នា និង បន្ត នៅ អនុវិទ្យាល័យ ស្ទឹងត្រង់ ។ជា បន្តបន្ទាប់ ឯកឧត្តម បាន ខិតខំ បន្កការសិក្សា រៀនសូត្រ រហូតដល់ ចប់ ថ្នាក់អនុបណ្ឌិត ផ្នែក គ្រប់គ្រង សេដ្ឋកិច្ច និង រដ្ឋបាល នៅ ឆ្នាំ ១៩៩៧ ។មិនតែប៉ុណ្ណោះ ឯកឧត្តម ក៏បាន ទទួល នូវ សញ្ញាបត្រ បណ្ឌិត កិត្តិយស ពី ស្ថាប័ន សាកលវិទ្យាល័យ ជាតិ និង អន្តរជាតិ មួយចំនួនផងដែរ ។
ក្នុង ចន្លោះ ឆ្នាំ ១៩៧០ ដល់ ឆ្នាំ ១៩៧៥ ឯកឧត្តម ស្ថិតនៅក្នុង តំបន់ រំដោះ នា ស្រុកកំណើត និង ក្រោយ ពេលប្រទេសជាតិ ធ្លាក់ ក្នុង របប ប្រល័យពូជសាសន៍ ប៉ុលពត ឯកឧត្តម បាន ចូល បម្រើ ក្នុង កងទ័ព នៃ រណសិរ្សសាមគ្គី សង្គ្រោះ ជាតិ កម្ពុជា ។ ចាប់ ពី ពេលនោះ រហូតមក ដោយសារ ឯកឧត្តម មាន បញ្ញា ឈ្លាសវៃ និង មាន សមត្ថភាព ឯកឧត្តម ក៏ត្រូវ បានតែងតាំង ក្នុង មុខនាទី ជា បន្តបន្ទាប់ រួមមាន ៖
ជា ប្រធាន មន្ទីរ ខេត្តកំពង់ចាម នៅ ឆ្នាំ ១៩៧៩ ជា ប្រធាន មន្ទីរ ផែនការ ខេត្តកំពង់ចាម នៅ ឆ្នាំ ១៩៨១ ជាអភិបាលស្រុក ក្រូចឆ្មារ នៅ ឆ្នាំ ១៩៨២ ជា អភិបាល ខេត្តកំពង់ចាម នៅ ឆ្នាំ ១៩៨៤ ជាអភិបាលខេត្តស្វាយរៀងនៅ ឆ្នាំ ១៩៩៩ និង វិល ត្រឡប់ មក ធ្វើជា អភិបាល ខេត្តកំពង់ចាម វិញ នៅ ឆ្នាំ ២០០៥ ឯកឧត្តម បាន ចូល និវត្ត នៅ ឆ្នាំ ២០១៣ និង ត្រូវ បាន ឈរឈ្មោះ និង ជាប់ឆ្នោត ជា អ្នកតំណាងរាស្ត្រ មណ្ឌល ខេត្តកំពង់ចាម និង ត្រូវ បាន ជ្រើសតាំង ជា សមាជិក គណៈ ក ម្មា ធិ ការ អចិន្ត្រៃយ៍ រដ្ឋសភា និង ជា ប្រធាន គណៈកម្មការ មហាផ្ទៃ ការពារជាតិ និង មុខងារសាធារណៈ រដ្ឋ សភាព ជាតិ រហូត មកដល់ បច្ចុប្បន្ន ៕
